Aster 2:17 - NABUWWA KEE MALIKWA

¹⁷ Malik tet yuble waqdi tet yikcineeh, gersi agabuk fula tet yossokoote. Gersi agabu kee baxuuwuk inkih teetih lafte. Sarrak malik-barrat haan dardaarinni-kalabta tet amot hee. Duma barrah luk suge Wastih aftok, tet malikáh haysite.

Aster 2:17 ပူးပေါင်းရင်းမြစ်များ

Aster 1:11

Too malcina num yemeete waqdi, «Gexay Maliká-Wastik, ‹Dardaarinni-kalabta amot hayya haay akke am› teetik inxica» iyye. Is kaxxa qax-maqaane luk teneeh, malik tet qax-maqaane kay gubal tan doolat abbobti kee yemeete qibini kaah yableenim faxe.

Aster 2:16

Ekserkas malik edde yekke malcinhaytô-sanatak taban haytoh alsay migaaqah Teebet deqsitahiyyat, Aster malikiy isi gasoh addal yanihiyyah fan baahen.

Aster 4:14

Annah taniimik tibba 'tek, Yahuud ummattah cato gersi ikkek amaateleeh, cattiimeloonu'mmay, koo kee ku abbak raaqe mari inkih ambaxele. Kaadu malik barra akah tekkem, tannah yan waktit tuk teena abta'gidi takkem bictah» 'yaanam farmoh teetih ruube.

Yacedkel 17:24

Baaxol yan coox inkih YALLA kinniyom yok aaxigele. Xer caxa targiqeeh; ux caxa tayxeerem yoo. Anxaxinuk sugte caxa kafsaah; kafinuk sugte caxa anxaxxoosem yoo. Tahat yabtam yoo YALLA. Abeyyo excem aba Dagelta kinniyo» iyye.

1 Samuwel 2:8

Baacoytiitih suge mara caysah tu maleela gaddalisah. Malik xaylot ken missoysa; kaxxa marat ken missoysa. Baaxo elle tan rakiibo YALLIH imi; baad woo rakiiboh-bagul xise.