Aster 2:15 - NABUWWA KEE MALIKWA

¹⁵ Ayrok teena, malik fan gexaanam Asteril miduh temeete. Abicayil baxá Aster, Mordakayak qammih baxák ten. Tet teynebem, tet qammih yen Mordakay deqsita numuk ten. Aster yuble mari inkih tet yossokooteh. Is malik fan gexxe waqdi, Hegay deqsita seelabu-liy malik qarih addal agabu dacayrit yenehiyya teetik edde gaca iyye sartanat gacteh gexxe.

Aster 2:15 ပူးပေါင်းရင်းမြစ်များ

Aster 2:14

Magrib malik qari fan gexak teneeh, aki saaku aki aracay malik caggô-gubih caggoh nikaacat yabbixe agbi elle yanihiyya tet beyak yenen. Wokkel seelabu luk yen numuy migaaqah Sagasgad deqsitak yeneeh, malik agbih dacayrit yenel tet cabak yenen. Tohuk lakal malik tet ikcinna heeh migaaqal teetih seecam fanah, kaa fan gexak mananna.

Aster 2:16

Ekserkas malik edde yekke malcinhaytô-sanatak taban haytoh alsay migaaqah Teebet deqsitahiyyat, Aster malikiy isi gasoh addal yanihiyyah fan baahen.

Aster 2:3

Atu abbah akak tan baaxol, kulli rakaakayal abbobtih yan mara dooritaay, qax-meqe baxuwwa atu dabaaqah elle tan inaytâ-magaala fanah baaha keenik inxic. Too agabu inkih seelabu-le numuy migaaqah Hegay deqsitaah ku agbih dacayrit yanihiyyah gabal hoonay. Tokkel oson qax elle yamqen diwa keenih heelon.

Aster 8:1

Too ayrot edde, Malik-Ekserkas Yahuuduk-qaduwwih-suge Haaman buxal luk suggu 'ye duyye inkih Asterih yecee. Sarrak Aster, Mordakay teetih ramad lem kaah warisseeh; tohuk wadir Mordakay malik elle yan ikke culaamih ruksat malikik geeh raaqe.

Aster 9:29

Malikáh ten Aster warkat taktubeeh, too warkatal leh tan abbootanak ugutak, duma Mordakay yuktubeh suge Fuurim qiidih qaada akah maaqile waan innah keenil diggosse.