2 Samuwel 8:3 - NABUWWA KEE MALIKWA

³ Sarrak kaadu Suuriyah rasuk Xooba deqsita aracal malikih suge Hadad-Qeder deqsita numuy Racob deqsita numih baxak yenehiyyat qeebi abeeh kaak yeyseh. Hadad-Qeder, Furaat weeqaytuk daga raqta exxat raqta baaxo gacsa'gidih, gexak suge waqdi,

2 Samuwel 8:3 ပူးပေါင်းရင်းမြစ်များ

2 Samuwel 10:15

Suuriyah mari Israayil-marak gaceenim isinnik yublen waqdi, qaskarak elli haanamah seeco aben.

2 Samuwel 10:16

Malik Hadad-Qeder, Suuriyah maray Furaatak darre le kabul sugehiyyah seeco abe. Too mari Ceelam deqsita arac fan yemeeten. Qaskar abbah keenik tenem, Soobak deqsita numuk ten. Soobak Xooba rasul malikih yan Hadad-Qeder qaskarak abbah yan numuk ten.

2 Samuwel 10:19

Malik Hadad-Qeder gubat sugte malikwa Israayil mari carbil keenik yeysem yoobben waqdi, ken lih bica haysiteeniih ken gabah gacen. Tohuk wadir Suuriyah-mari Qammon-mara carbil cataanamak raaqen.

2 Samuwel 10:6

Sarrak Qammon mari, Dawud naqabu xaamiteenim isinnik yeexegen. Tohuk gexxaamah, Suuriyah baaxok Beet-Racob kee Xooba deqsitta namma rakaakayak labaatanni alfi qaskariita lakqot bahsiisen. Tonnah kaadu, Toob rasuk taban kee namma alfi qaskariita kee, Maqka deqsitta baaxoh malik kee alfi qaskariita lakqot bahsiisen.

2 Samuwel 23:36

Xooba rasul yooboke Naatán-Yigal kee, Gaad rasul yooboke Baani kee,

1 Malikwa 4:21

Suleeman reedah amol akak yenem, Furaat weeqaytuk xabba haanamaay Filistiin kee Masri cuduuduh amma 'yaanam tan baaxok ten. Too mari gabbara kaah acayuk, usuk addunyal suggu 'yem fanah kay gubat sugen.

1 Aydaad 18:3

Suuriyah malikiy migaaqah Hadad-Qeder deqsitak yenehiyya Furaat weeqaytuk daga raqta exxat raqta baaxo isi gubat gacsa'gidih gexak suge waqdi, Dawud qeebi kaat abe. Hadad-Qeder, Xooba deqsita rakaakayak abbah yen. A rakaakay elle geytimam Cammat deqsita rakaakayih xaquk ten.

2 Aydaad 8:3

Camat kee Xooba deqsita rasu qeebit yibbixe.

1 Samuwel 14:47

Saawul Israayil malik tikka 'yeemih kulli ikkel naqboytiitih isik enna 'ya marat qeebi abak suge. Mooyab-maraay Qammon-maraay Edom-maraay, tonnah kaadu, Xooba kee Filistiin-malikwat inkih qeebi abak suge. Qeebi lih abinnaan marak iisa orbisak yen.