2 Samuwel 8:16 - NABUWWA KEE MALIKWA

¹⁶ Yowabay Xaruya deqsitta barrah baxak yenehiyya qaskarak inkih abbah yen. Aciilúd-Yacoosafat deqsita num tikka intem yaktube numuk ten.

2 Samuwel 8:16 ပူးပေါင်းရင်းမြစ်များ

2 Samuwel 18:2

Tohuk lakal sidiica gexoh ken kurra heeh, naharsi gexok qaskar abbah Yowab heeh, gersi gexok qaskar abbah kay toobokoyta Abiisay heeh, sidochaytô gexok qaskar abbah Ittay heek lakal, «Anu sin lih gexeyyo» keenik iyye.

2 Samuwel 19:13

Kaadu qagseh iyyeemih, «Qamaasak intaanamah, ‹Atu ramad yok kinnito. Ahak wadir Yowab le qaskar-abbootanna koh aceeyyo. Tah abe week, Yallih-bala yol obtay› iyye kaak inxica» keenik iyye.

2 Samuwel 2:13

Xaruya deqsitta barrah baxay migaaqah Yowab deqsitahiyya kee, wohuk kalah tan labhay Dawud qaskarih abbobtih tenehiyya kaadu Gibqon fan gexen. Yowab, Dawud qaxat yen. Tokkel yan doral yongoorowen. Too dorak mariiy qaxal daffee.

2 Samuwel 8:15

Tonnal Dawud inkih yan Israayil rasuk amoyta yekkeeh, abbah akak yan mara inkih cakki kee qadaalatat xiinisak suge.

1 Malikwa 4:3

Siisâ-xayloh-nammayay migaaqah Aciiya kee Alicoref deqsitahiyya kutbe-abeenitik ten. Aciilúd-Yacoosafat takkem-yaktubih yen.

2 Malikwa 18:18

Tohuk lakal Malik Ciskiyyaahuh farmo ruubeeh; too farmol kay marak sidiica num yemeete. Woo sidiica num Cilkiyyá-Elaakimiy malik-qarih-abbah yanihiyya kee, Sebna deqsita numuy malik-qarih kutbe-abeenah yani kee, Asáf-Yowac deqsita numuy tikki 'taamah kutbeh abeenah yanihiyyak ten.

2 Malikwa 18:37

Sarrak Elaakim kee Sebna kee Yowac aben rookah sara isinnik qanxiseenih Assuuriyah-qaskar-abbah-yan-num keenik iyyem malikih warsen.

1 Aydaad 11:6

Too qeebi aben saaku, Dawud, «Yabuusah yooboke num naharal qidinnaan num inkih tan qaskarih abbah akkele» 'yaanam iyyeh suge. Yowab deqsita numuy Xaruya deqsitta barrak baxah yenehiyya gaaduk foocat gacca 'yeh miraaciseeh, qaskar abbootan gee.