2 Samuwel 8:11 - NABUWWA KEE MALIKWA

^11-12 Malik Dawud too duyyey too malik kaah ruubehiyya YALLIH qibaadah tuxxiiqit elle assa innah abe. Tohuk kalah Edom kee Mooyab kee Qammon kee Filistiin kee Qamaalek deqsita maray qeebil akak yeysehiyyak dannabah orbise dahab kee lakqo, ta duyye lih hayya heeh, YALLIH qibaadah tuxxiqit elle assa innah abe.

2 Samuwel 8:11 ပူးပေါင်းရင်းမြစ်များ

2 Samuwel 8:10

isi baxay migaaqah Yooram deqsitahiyya kaal ruube. Too baxak iyyeemih, «Naharak, ‹Salaamata kok iyye› kaak inxicaay, sarrak ‹Unkaq kok iyyeh, Hadad-Qederik qeebil teyseemi kok iyye› kaak inxic. A duyyey dahab kee lakqo kee nacaasak bicseenihiyya gabat kaah beyaay, ‹Mattacoh koh ruube› kaak inxic» iyye. Hadad-Qeder mango waqdi Tooqi deqsita malikit qeebi abak suge.

1 Malikwa 7:51

Tonnah abak, Suleeman YALLIH Qibaadah-Qarih xisnek gaba kaleh. Too waqdi Suleeman, kay abba Dawud YALLIH qibaadah loowe duyyey rikeek abbaxuk sugehiyya gaabossa heeh, sarrak Qibaadah-Qarik mattacoh yaceen duyye elle daanisan golitteh addal hee. Tohumuu, dahab kee lakqo kee, kaadu wohuk kalah, gersi duyyek ten.

1 Aydaad 18:11

Malik Dawud too duyyey too malik kaah ruubehiyya YALLIH qibaadah tuxxiiqit elle assa'nnah abe. Tohuk kalah Edom kee Mooyab kee Qammon kee Filistiin kee Qamaalek deqsita maray qeebil akak yeysehiyyak dannabah orbise dahab kee lakqo, ta duyye lih hayya heeh, YALLIH qibaadah tuxxiiqit elle assa innah abe.

1 Aydaad 29:2

Qari-xisne kee, sarra Yallih qibaada elle aban saaku, faxxinta duyye naharal elle missoyseh cabah an. Toh maa duyyeey inteenik, faxximtam akak bicsaana'gidih, dahabaay lakqooy nacaasaay biriita kee yirgiqen coox cabah an. Tohuk kalah kaadu, limo gibdi xeetiiy, bilqah haan qaxmeqe xeetiy mango bisu lehiyya kee, qado-xeetik mangom cabah an.

2 Aydaad 5:1

Tonnah abak, Suleeman YALLIH Qibaadah-Qarih xisnek gaba kaleh. Too waqdi Suleeman kay abba Dawud YALLIH qibaadah loowe duyye rikeek abbaxuk sugehiyya gaabossa heeh, sarrak Yallih Qibaadah-Qarik mattacoh yaceen duyye elle daanisan golitteh addal hee. Tohumuu, dahab kee lakqo kee, kaadu wohuk kalah, gersi duyyek ten.

Miika 4:13

YALLI iyyeemih, «Yarusalaam maraw, gexay isinni naqboytit ibah iqita. Gayse birtak akak bicseenih, xukcuno nacaasak akak bicsen awurih innah qandeh sin heeyyo. Mango baaxoh marak qeebil aysetton. Oson umam abittot geen gaddaliino yoo fan baahelon. Anu YALLAAY; inkih yan baadal yan Goyta kinniyo» 'yaanam iyye.