2 Samuwel 7:8 - NABUWWA KEE MALIKWA

⁸ «Tonna'mmay taway yi naqasu Dawuduk intaamah, ‹YALLAY Nabaamak Nabahiyya kok iyyaamah, Edde sugte illi duwak kalla koo heeh, Israayil ummattak inkih abba koo abe.

2 Samuwel 7:8 ပူးပေါင်းရင်းမြစ်များ

2 Samuwel 12:7

Too waqdi Naatan kaak iyyeemih, «Hay, tonnah tanim abtem koo!» kaak iyye. Qagseh, «YALLAY Israayil doore Dagelta kinnihiyyak farmo koh abbixe. YALLI kok iyyaamah, ‹Israayil malik takke'gidih koo dooreeh, Saawul kol baahe raareemik innih koo cateeh,

2 Samuwel 14:13

Too waqdi kaak intemii, «Atu annah yan qellat Yallih maral macah bahtee? Isi baxay marin baaxol yanihiyyak uduura maxcinnito. Away inteemil isih isil mekeltem deqsitta.

2 Samuwel 23:1

Dawud ellecabol abe saare ah teeti. «Yiisá-Dawud iyya qangor ankacisey; Yalli kaxxa num abe numih qangor ankacisey. Yaqkuub doore Dageltay kulliimik nabahiyya, malik yakke'gidih doore numuy Israayil ummattah nabam meqe saare yeyyeeqehiyya iyyaamah:

2 Samuwel 24:17

Dawud woo malaykattuy ummatta qidahiyya yubleeh, too waqdi YALLAK iyyeemih, «Qellatat asseeh ceele-waytih tanim abtem yook, too qellatah, yoo kee yi buxah mara akah digaal. A masaakiina maca bahteeh macah digaalta?» iyye.

2 Samuwel 5:2

duma Saawul suge saaku carbi yakke way, ni marih foocat sugtem kook ten. YALLI kaadu isi mara miraacisah dacrisa abba koo abeleemih qahdi koh culeh yen» kaak iyyen.

2 Samuwel 6:21

Dawud teetil gacseemih, «YALLAY ku abba kee ku tooboko kalla heeh Israayil malikih yoo heehiyyah massakaxxah argaduk sugem numma. YALLIH massakaxxah uxih argideyyo.

1 Malikwa 3:6

Suleeman YALLAK iyyemii, «Yi-abba-Dawuduy ku naqasuh yenehiyyah kaxxa kacanu luk sugteeh; usuk kaadu baguuk kol yaamineeh, cakki-kee qadaalat-le numuk ten. Atu kaah abak sugte maqaane kaak mayseedinnitooy, a saaku kay baxa kay qarkaytol hayte.

1 Malikwa 8:16

‹Inni mara Masrik eyyeqqa heemiiy akke, Israayil baaxol yoo elle yaqbuden qari elle xisu waan magaala dooreh masuginniyo'mmay, yi ummatta xiinissa'gidih, Dawudow, koo dooreh› 'yaanam kaak iyyeh suge» iyye.

1 Aydaad 17:7

«Tonna'mmay taway yi naqasu Dawuduk intaamah, ‹YALLAY Nabaamak Nabahiyya kok iyyaamah, Edde sugte illi duwak kalla koo heeh, Israayil ummatay yi marah tanihiyyah abba koo abe.

1 Aydaad 21:17

Dawud too waqdi dooqah iyyeemih, «Yi Dageltaw, a qellatat assem yoo ikkal num hinna. ‹Sinam loowa› inteeh loowo absissem yoo kinni way a masaakiina maca bahte? YALLAW, yi Dageltaw, a qellatah yoo kee yi buxah mara digaalitaay ku masaakiina maqidin» iyye.

Qaamus 7:15

Takkay immay illi elle duwak suge ikkek YALLI isih yoh secca 'yeh, ‹Gexay ama table sirri Israayil ummatah waris› yok iyye.

1 Samuwel 10:1

Tohuk lakal Samuwel caxâ xaylok bicsen saliid* (zeyti) edde yan karaarat bahha heeh Saawuluk amol caxe. Sarrak fugga kaa heeh kaak iyyeemih, «YALLI, Israayiliy isi mara abehiyyah amoyta takke'gidih, koo yuskute. Atu kay mara naqboytiitik dacrisettooh, ken catetto. YALLI Israayil amoyta takke'gidih koo doorem elle taaxagu waytam macaay intek,

1 Samuwel 2:8

Baacoytiitih suge mara caysah tu maleela gaddalisah. Malik xaylot ken missoysa; kaxxa marat ken missoysa. Baaxo elle tan rakiibo YALLIH imi; baad woo rakiiboh-bagul xise.

1 Samuwel 9:16

«Beera ta uddur Benyam kedoh yaabuke num kol ruubeyyok, Israayil amoyta yakke'gidih kaa uskut. Usuk Filistiin marih gabak Israayil catele. Yi mari abe biyak kee catô-goranah aben weeqa keenik oobbeh an» 'yaanam iyyeh yen.