2 Samuwel 7:2 - NABUWWA KEE MALIKWA

² Ayrok teena Dawud, Nabi Naatanak iyyeemih, «Anu akkel, akah table'nnah, innih sariidâ-cooxuk bicsen qarih addal ani'mmay, Yallih Qahdih Sandug uxih siraq addat yanik; ahak maca abam taysee?» iyye.

2 Samuwel 7:2 ပူးပေါင်းရင်းမြစ်များ

2 Samuwel 11:11

Uriyya kaal gacseemih, «Israayil kee Yuudâ mari qeebi booxal yaniih, Qahdih-Sandug kaadu wokkel ken lih yaniih, tonnah kaadu, carbi abbah yok yan Yowab kee, kay gubal tan qaskar abbobti gubbik bagul tan way, maaqo kee maqubuh buxah gexaah, inni barra lih xiinam anni'nnah abaah? Yi amoytaw, tannah taniimit ase wayu waamah ku gabal xiibita» 'yaanam iyye.

2 Samuwel 12:1

YALLI, Dawud abem yinqibeemih sabbatah, nabi Naatan kaa fan ruube. Naatan kaa fan yemeeteh, kaak iyyemii, «Namma num inki magaalal tene iyyen. Numuk teeni keenik gaddalih yeneeh, akitti baacoytak yene iyyen.

2 Samuwel 5:11

Suur malikih yen Curam, doolat-abbobti Dawud fan ruube. Woo mara luk, sariidâ-coox kee, naggaarinnah cooxuk duyye bicsa mara kee, xeet-qarwah-xiso yaaxige mara, Dawuduh malik elle gaca qari xisaana'gidih, ruube. Too mari too qari kaah xise.

2 Samuwel 6:17

Sarrak Sandug baaheeniih, Dawud dumaak Sandug elle hoonuh sooliseh suge siraqih addat heen. Tohuk wadir Dawud YALLIH sadgatah cado akak carrisan saq qideeh, kaadu amaanah xiinaanamih asta takke'gidih YALLAH sadgat abe.

2 Samuwel 7:17

Sarrak Naatan amma 'yeh Dawuduh YALLI ta wacyil kaak iyyem warse.

1 Malikwa 1:22

too yaabat tan waqdi nabi Naatan yemeeteh.

1 Malikwa 1:8

Sek-Saaduk kee Yoyadáq-Banaaya kee Nabi-Naatan kee Simqi kee Reeqi kee Dawudut dacayrih ten qaskar a malat kaa'lih mananna.

1 Malikwa 4:5

Naatán-Qadarya rakaakayitteh-abbobtih abbah yen. Naatán-Xaabud, sek kee malikih-fayu-yecee-kasloytak yen.

1 Malikwa 8:17

Yab tokket mayseedinnay, bisoh beeh iyyeemihii, «Yi abba, YALLAY Israayil doore Dagelta kinnihiyya, elle yaqbuden qari xisam faxeh suge waqdi,

1 Aydaad 14:1

Malik Curam deqsita malikiy Suur magaalal malikih yenehiyya doolat abbobti Dawud fan ruube. Woo mara luk, qarwa edde xisan sariidâ-coox kee, xeetik qarwa elle bicsa'nna yaaxige mara kee, cooxuk duyye elle bicsa'nna yaaxige mara kaah ruube. Too mara kaah akah ruubem, kay qari kaah xisaana'gidik ten.

1 Aydaad 16:1

Sandug magaala maadisen waqdi, Dawud Sandug elle hoonuh sooliseh suge siraqih addal heen. Tohuk wadir Yallih-sadgatah cado akak carrisan saq qideeniih, kaadu amaanah xiinaanam taybulle asta takke'gidih Yallah sadgat aben.

1 Aydaad 22:7

Too farmol kaak iyyeemih, «Yi baxaw, YALLAY yi Dagelta kinnihiyyah nabnah, Qibaadâ-Qari kaah xisam faxak suge.

1 Aydaad 29:29

Kay aydaadak qimbooy ellecabo Samuwel kee Naatan kee Gaad deqsita sidooca nabih aydaadi elle yan kitoobal geytinta.

2 Aydaad 1:4

Yallih Qahdi addat akak yan Sandug Yarusalaam magaalal Malik Dawud soolise siraq addat daanat yen. Malik Dawud a Sandug Kiryat-Yaqaarim deqsitta magaalay elle sugehiyyak bahha heeh, Yarusalaam magaalal hee.

2 Aydaad 29:25

Malik Ciskiyyaahu, Gaad deqsita nabiy YALLI Malik Dawuduh ruubehiyya kee nabi Naatan Malik Dawuduk ab axcuk sugtem abe. Ciskiyyaahu, Leewî mara kirar kee *begena digirak, giyaagib aagaruk, YALLIH Qibaadah-Qarih addal hee.

2 Aydaad 9:29

Wohuk kalah taniimiy Malik Suleeman abak yenehiyya qimbok xabba haanamaay ellecabot akak amma 'yaanam yan aydaadi elle geytimam, Nabi Naatan Aydaada deqsita kitab kee Siilô magaalal yen nabi Aciiya yuktube kitab kee, nabi Qiddo, Nabát-Yarobqam giddinaamak yuble wacyih kitaabal geytinta.

Caggay 1:4

‹Yi qariy yoo elle taqbudeeni abuuruh elle yani'kkel, isin isinnih meqe xisneh xissitten qarwat gactaanam celtam kinni?