2 Samuwel 7:18 - NABUWWA KEE MALIKWA

¹⁸ Tohuk lakal Malik Dawud siraq adday YALLA-elle-yaqbudeenihiyya culla 'yeeh, tokkel daffa 'yeh fayla kee dooqa abe. Iyyeemih, «YALLAW, Mulki le Dageltaw, anu a axxul le maqaaney yoh abtehiyya geyam caddik le num hinniyo. Yoo kee yi buxah marak atu neh abteh tan maqaane, ni caddik fulta maqaane.

2 Samuwel 7:18 ပူးပေါင်းရင်းမြစ်များ

2 Samuwel 23:5

Yi buxa Yallih garil tonnah tanim yot celta. Macaay inteenik, Yalli yo'lih bica haysiteh, baye waa xagana yo'lih hee. Make waan xagana yo'lih heeh, akak kore waa qahdi yoh cule. Tonnal kulli waqdi yoo cateleeh, faxa axcem yoh abele. Yalli toh duuduselem digga le.

2 Samuwel 7:17

Sarrak Naatan amma 'yeh Dawuduh YALLI ta wacyil kaak iyyem warse.

1 Aydaad 17:16

Tohuk lakal Malik Dawud siraq adday YALLA-elle-yaqbudeenihiyya culla 'yeeh, tokkel daffa 'yeh fayla kee dooqa abe. Iyyeemih, «YALLAW, yi Dageltaw, anu a axxul le maqaaney yoh abtehiyya geyam caddik le num hinniyo. Yoo kee yi buxah marak atu neh abteh tan maqaane, ni caddik fulta maqaane.

1 Aydaad 29:14

«Yi Dageltaw, yoo kee yi mara a axxul le maqaane geynam caddik le mara hinnino. Acwah koh naceem mannuuy; linom, kok geyne ku maqaaney wadir koh gacisnahiyya.

Yasaqya 37:14

Ciskiyyaahu ta warkat kaa maadde waqdi, yubleeh, addal tanim yikriyeh. Sarrak too warkat gabat hayya heeh, YALLIH Qibaadah-Qari gexe. Tokkel too warkat YALLIH foocal hayya heeh,

Makaabon 6:15

Too waqdi Gidqoon iyyemii, «Yi amoytaw, anu Israayil mannal catah an? Manassek, anu akak an exxa, kedok inkih boolah gacca 'ya maraay; anu kaadu inni buxah marak inkih gaca num kinniyo way, mannal ken catah an?» iyye.

Ruut 2:10

Ruut qansa teetik baaxo xagtam fanah massakaxxah qununna 'teeh, Booqasak annah inte. «Yooy marin baaxoh barrah yanihiyyah a gideh maqaaneh macah taqabta?» kaak inte.

1 Samuwel 15:17

Samuwel kaak iyyemii, «Atu qunxa numuh is tubleh immay Israayilil tan kedoodak inkih mirac tekke. YALLI Israayil-malik takke'gidih, koo yuskuteeh koo dooreh.

1 Samuwel 18:18

Dawud, «Tu'loowot yan num hinniyooy; malik ballu yakkeenim caddik gufa num makka» iyye.

1 Samuwel 9:21

Too waqdi Saawul iyyemii, «Anu akah aabukem, Benyam kedoy Israayilil enna 'ta kedoodak inkih dagohiyya. Yi buxah mari kaadu woo kedok inkih gaca mara kinni waqdi, annah yan yaabah mannah yo'lih yabtaa?» kaak iyye.