2 Samuwel 7:13 - NABUWWA KEE MALIKWA

¹³ Qibaadâ-Qari yoh xissu waytam, ku xaylok too numu. Kay reeda baxak baxal akah raqta'nnah abeyyo.

2 Samuwel 7:13 ပူးပေါင်းရင်းမြစ်များ

2 Samuwel 22:51

Yoo Dawud dooritteeh, malikih yoo haytem, koo kinni, yi Rabbow. Kaxxa-iisa yoh tecee; kaxxa nasri kok gee. Yoo kee yok raddeemih, waartah tan maqaaney baye sinni tecee.

2 Samuwel 7:16

Ramad kok mabayaay, ku ramad kee ku doolat elle raaqeleeh, kulli way waarele› kaak inxic» iyye.

2 Samuwel 7:27

YALLAW, Israayil dooreh, Nabaamak Naba Dageltaw, ‹Buxa innih koh xiseyyooh, ramad kok aymaggeyyo› 'yaanam yok inte. Tonna-leemiik a dooqa edde aba niya yot gacte.

1 Malikwa 2:24

YALLI yi abbah aracal yoo hayya heeh digga yot hee. Qahdi akah culem duuduseeh, abbootan yoo kee yi ramadah yecee. YALLAY waarahiyyah migaaqal xiibita: Qadoonal, ta saakut edde, rabâ-cokmi kaal abeyyo» iyye.

1 Malikwa 2:4

YALLI yok iyyeemih, ‹Ku ramad anu aba axcem baguuk agaagul sinnim abeenik, Israayil amoytit ken abeyyoomuh qahdi koh cula› 'yaanam yok iyyeh yan. Tonna kinnuk atu kay amri oggoltek, YALLI too qahdi koh duudusele» kaak iyye.

1 Malikwa 2:45

yot barkat heeleeh; Dawud-dardaarinna YALLIH foocal baxak baxal waarele» kaak iyye.

1 Malikwa 5:5

Duma YALLI yi abbah qahdi culeh sugeeh; kaak iyyemii, ‹Ku baxa malik abeyyooh; yoo elle yaqbudoonu waan qari usuk xisele› kaak iyyeh yen. Tonna leemiik taway anu too Qibaadah-Qari inni Dageltah xisam niyat liyo.

1 Malikwa 6:12

«Anu siinih oobise xinto kee amri oggoltek, a qariy atu away xissahiyyah giddinaamak ku abbah cule xagana duuduseyyo.

1 Malikwa 8:13

Away koh kaxxam naba qariy dabqih kulli way elle gactu wayta xise» iyye.

1 Malikwa 8:15

Tohuk lakal iyyeemihii, «YALLAY Israayil doore Dagelta kinnihiyya fayla taafay. YALLI isi gabat y'abba abe xagna duuduse» iyye. Kaadu qagseh, iyyemii, «YALLI duma y'abbak,

1 Malikwa 8:19

woo qari xissu waytam koo hinnay, ku baxa. Atu isih xalte ku baxi xisele› 'yaanam kaak iyyeh suge.

2 Malikwa 21:4

YALLIH Qibaadah-Qarih addal, diini-maleela taqbude sadgat elle aban arooca bicse. Woo sadgat arooca elle bicsem, YALLI duma «Yarusalaamal yi qibaada elle takke'gidih doore» akak iyye aracak ten.

2 Malikwa 21:7

Yallih Qibaadah-Qarih addal woo migaaqah Aseera deqsittaamay yaqbudeenihiyyah astah heeh suge gurmudda hee. Woo ceelo elle heem, YALLI Malik Dawud kee Suleemanak, «Yi qibaada kulli way elle takke'gidih, Israayil taban kee namma kedo elle tan rasuk inkih Yarusalaam addal doore araca» akak iyye aracak ten.

2 Malikwa 8:19

Tohuh, YALLI Yuuda bayisam mafaxinna. Toh akah tekkemii, YALLI kay naqasuh yen Dawuduk, «Ku reeda baxak-baxal raaqele ikkal, bayya m'inta» 'yaanam axcuk, tohul xagna kaah culeh yen.

1 Aydaad 28:10

YALLI isi Qibaadah-Qarih xissa'gidih koo doorem kassa haay mahawweenin. Tahaysa kay qarih xisnet cultaamaay gaba kalla haytam fanah, fanat akak aade waytaama» 'yaanam kaak iyye.

2 Aydaad 33:4

YALLIH Qibaadah-Qarih addal, diini-maleela taqbudeemih sadgat elle aban arooca bicse. Woo sadgat arooca elle bicsem, YALLI duma, «Yarusalaamal kulli way yi qibaada elle takke'gidih doore araca» akak iyye aracak ten.

2 Aydaad 6:16

Taway YALLAW, Israayil ummatta doore Dageltaw, duma yi abbak koh duudusseyyo inteemik inki tiyay raqtehiyya tan. Tohumuu, ‹Kok radu waa mari, atu akah abte innah, anu aba excem dudda luk abe ken tekkek, tonnal ku reeda baxak baxal raqta reeda akkele› 'yaanam inteh ten.

Yasaqya 49:8

YALLI iyyamaa, «Innih faxe waktit koo oggoleyyo. Edde cateh meqe waktit kaadu koo cateyyo. Koo dacriseyyooh, amo kok wagteyyooh, ummat lih qahdi ku kabuuk heeyyo. A saaku abuuruk yan rasul ahak sarra sinam nookisetto.

Yasaqya 9:6

Macaay inteenik, awki neh yooboke. Baxi neh yontocowwe. Usuk abbootan gabat le. Migaaqah «Qajiibik yan Fayisi», «Nabaamak Naba Dagelta», «Waara Abba», «Amaan Yamliki» 'yaanam kaah axcelon.

Yasaqya 9:7

Kay abbootan osak oseleeh, ambaxe sinni amaan gacele. Dawud korsil gaceleeh, kay baaxol ellecaboh ayro fanah dardaarah anuk, qadli kee cakkih yan gitat xiinisele. Taham YALLAY Nabaamak Nabahiyya isi mara yaysiiseemih fayxi kee, keenih le kaxxa kacanuk akkele.

Ermiyaas 33:17

Macaay inteenik, kulli way Dawuduk rade marak numuk teena Israayil marih malik abeyyoomuh xagana siinih cula. Tahat yabtam yoo YALLA.

Yacedkel 37:25

Dabaaqah, yi naqasuh yan Yaqkuubuh ecee baaxoy oson akak raden ken kaxxa abbobti duma elle sugtel gacelon. Tokkel keeniiy ken xaylo kee ken ramad guubuh gacele. Too rasi kulli way kenim akkele. Yi naqasu Malik Dawud innah yan malik tokkel ken xiinisele. Kulli way abbah keenik waarele.

Daaniyel 2:44

«Too malikwah dabaanal, qaraanal yan Yalli baye wayta doolat xisele. Too doolatak faxe doolat mataysaay; sugte doolatwa bayissa hayteh elle raaqeleeh waarele.

Zakariyya 6:12

Too waqdi kaak intaamah, ‹Ludda deqsita num saadeleeh, abinnaanim gabal kaak bicele. YALLIH Qibaadah-Qari nammeyhaak xisele.

Zakariyya 6:13

YALLIH Qibaadah-Qari nammeyhaak xissu waytam kaay; malikih taguude nabna geytu waytam kaa. Isi ummatak abba tikka 'yeh xiinisele. Malik dardaarinnih korsil gacele. Kay dardaarinnih korsih xaquk seekih yan num sooleleeh; too sek kee kaa abinnaanim titta lih abeloonuuh, muquk, wagarit titta xiiniselon. Toh intam YALLAY Nabaamak Nabahiyya› kaak inxic.