2 Samuwel 7:10 - NABUWWA KEE MALIKWA

^10-11 Israayil ummattay inni mara abehiyya, sinam keenit xukkute'kal, elle gacoonu waan aracal ken nookiseh an. A baaxo culeenim kee akke fan umeynit qeebi keenit abak sugte'mmay, ahak wadir woh gaba kalele. Koo kaadu naqboytiitik amaanah raaqiseyyooh, buxa innih koh xiseyyooh, ramad kok aymaggeyyo. Tohuh qahdi koh cula.

2 Samuwel 7:10 ပူးပေါင်းရင်းမြစ်များ

2 Malikwa 21:8

YALLI Dawud kee Suleemanak iyyemii, «Israayil mari inkih Muusay yi naqasuh yanih gabat keenih ruube amri oggoleenih too xinto intam abeenik, ken kaxxa abbobtih ecee baaxok ken mayyaaqa» 'yaanam iyye.

1 Aydaad 17:9

Israayil ummattay inni mara abehiyya sinam keenit xukkute'kal, elle gacoonu waan aracal ken nookiseh an. A baaxo culeenim kee akke fan umeynit qeebi keenit abak sugte'mmay, ahak wadir woh gaba kalele. Koo kaadu naqboytiitik iysissa koo heeh, buxa innih koh xiseyyooh, ramad kok aymaggeyyo.

2 Aydaad 33:8

Yalli Dawud kee Suleemanak iyyemii, «Israayil mari inkih Muusay yi naqasuh yanih gabat keenih ruube amri oggoleenih too xinto intam abeenik, ken kaxxa abbobtih ecee baaxok ken mayyaaqa» 'yaanam iyye.

Yasaqya 5:2

A caxa yaysubuke'gid, elle yaysubuke aracak, xeet kaleh meqe'nnal dageh. Tet akak dacrisa'gidih, amo xer qari akah xise. Yuysubukem meqe caxa. A caxa xalta qinabat yaaqite'gid boodo dage. Qinab teetik alayam fan, tet qambaalak teetih suge. A qinab alaye saaku, qeero baaheh; mulcu luk yen.

Yasaqya 5:7

Hay, YALLAY Nabaamak Naba yuysubuke qinab caxa kinnim Israayilik xaylo. YALLI yuysubuke cooxuy, ruffu edde haak yene kinnim Yuudah yoobokeh yan mara. YALLI, meqem aba mara yakkeenim keenik faxak yen. Takkay immay woh makkinnon; sahda qida mara yekken. Cakkik tanim aba mara, yakkeenim keenik faxak yen. Takkay immay woh makkinnon; amot akak gacan mari, «Qadaalat waynah nan» iyyan.

Yasaqya 60:18

Umaane sinaamat abaanam gaba kalele; umaane ahaysa rasu kok mabayissa. Yi wadoot reebu koh akkeleeh; kaxxam yoo faylisetto.

Yasaqya 60:21

Ummatta cakkik-tan-taamah taamitele; baaxo kulli way kenim akkele. Liyoh an qax-maqaane keenil elle tambulle'gidih, ken bicisseeh ken daabissem yoo.

Ermiyaas 18:9

Hinnay kaadu, sin bicseyyooh siinih amqeyyo akak exce doolat kee ummat, yi amri cinna hayteh uma taamat assek, keenih abeyyo exceemik raaqeyyo.

Ermiyaas 24:6

Baabeloonul yaniinim fanah, innih amo keenik wagitak sugeyyooh, sarra a baaxo ken gacseyyo. Ken gacsek lakal, ken xiseyyo'kkal ken maggilaay; caxah innah ken daabiseyyo'kkal, ragidiik ken masiiba.

Yacedkel 28:24

YALLI iyyeemihii, «Faxe baaxooxay dariifal geytimma 'taah, ken bursutak sugtehiyya tahak wadir Israayil ummatal ada matakka. Too waqdi YALLAY Mulki lehiyya kinniyom aaxigelon.»

Hosiqa 2:18

«Too saaku alak alaakulleyti yi mara xage waa'gidih, qahdi heeyyo. Carbi edde abba haan silaacak seef kee gaysê-baxa baaxok ayyaaqeyyo. Yi ummat amaanah xintay 'yaanam axceyyo.

Qaamus 9:15

Israayiliy yi ummatah tanihiyya dumaak ikoytah keenih ecee baaxo gacissa ken heeh, dabaaqah ken elle daabiseyyo. Tohuk wadir tokkek mayarraanaay elle anelon. Tahat yabtam yoo YALLAY sin Dageltah yani» 'yaanam iyya.

Makaabon 4:3

Yaabin sagla-boolih gaariy biriitak bicseenihiyya luk yeneeh; Israayil mara labaatanni sanat racmatta sinni uma xintot abbaxuk yen. Sarrak Israayil-mari YALLAL weeqak catoh kaa kallacen.

1 Samuwel 13:17

Filistiin-mari gaaduh sidooca exxah gacca 'yeenih yewqen. Exxak teena Suqal baaxok Qofra deqsita arac fan gexxe.