2 Samuwel 6:17 - NABUWWA KEE MALIKWA

¹⁷ Sarrak Sandug baaheeniih, Dawud dumaak Sandug elle hoonuh sooliseh suge siraqih addat heen. Tohuk wadir Dawud YALLIH sadgatah cado akak carrisan saq qideeh, kaadu amaanah xiinaanamih asta takke'gidih YALLAH sadgat abe.

2 Samuwel 6:17 ပူးပေါင်းရင်းမြစ်များ

1 Malikwa 8:5

Malik Suleeman kee inkih tan Israayil ummat Qahdi-Sanduguk foocal solla 'yeenih, tokkel mangah loowo sinni illi kee laa sadgatah yusguuden.

1 Aydaad 15:1

Dawud isi magaalay Dawud-Magaala akak iyyaanahiyyal qarwa xise. Too qarwak kalah kaadu, Yallih Qahdih Sandug edde daanisan Siraq soolise.

1 Aydaad 15:3

Sarrî-saaku Dawud inkih yan Israayil marah Yarusalaam magaala yamaateenimih farmo ruube. Woo farmo akah keenih ruubem, Qahdi-Sandug Yarusalaam magaala fanah baahaana'gidik ten.

1 Aydaad 16:1

Sandug magaala maadisen waqdi, Dawud Sandug elle hoonuh sooliseh suge siraqih addal heen. Tohuk wadir Yallih-sadgatah cado akak carrisan saq qideeniih, kaadu amaanah xiinaanam taybulle asta takke'gidih Yallah sadgat aben.

1 Aydaad 6:31

YALLIH Qahdi addat akak yan Sandug Yarusalaam fan baaheenik lakal, Malik Dawud, Yallih qibaada elle aban ikkel, woo qibaadak foocat gacca 'yeh saare absiisu waa mara doore. Suleeman Yarusalaamal Yallih Qibaadah-Qari xisaamak dumal, too mari Yallih Nabnah-Siraqih foocal takke saare elle aban inna yascasse amri akah iyya'nnal aben. Too marih migooqa ah teeti. Ken xaylo saarel ken catak ten. Kohatak rade marak, Heeman deqsita saare-abe yen. Heeman akak rade marih migooqa ah teeti. Heeman Ayyuqel-baxaay, Ayyuqel Samuwel-baxaay

2 Aydaad 1:4

Yallih Qahdi addat akak yan Sandug Yarusalaam magaalal Malik Dawud soolise siraq addat daanat yen. Malik Dawud a Sandug Kiryat-Yaqaarim deqsitta magaalay elle sugehiyyak bahha heeh, Yarusalaam magaalal hee.

2 Aydaad 5:6

Malik Suleeman kee inkih tan Israayil ummat Qahdi-Sanduguk foocal solla 'yeenih, tokkel mangah loowo sinni illi kee laa sadgatah yusguuden.