2 Samuwel 6:16 - NABUWWA KEE MALIKWA

¹⁶ Sandug Yarusalaam magaala culsan waqdi, Saawuluk raqte baxáy, migaaqah Miikal deqsitak teneeh Dawud abbaxuk yenehiyya, taagatak afah wagga hayte. Too waqdi tet baqalay YALLIH massakaxxah wonnak annah kaqitaah, taahirik tan rigdoh yargidehiyya tuble. Toh tuble waqdi, «Ah tu'numuk tanih matan» 'yaanam niyal hayteeh kaa burutteh.

2 Samuwel 6:16 ပူးပေါင်းရင်းမြစ်များ

2 Samuwel 3:14

Isboset kaadu farmo ruubeeh iyyeemih, «Rihimih Filistiin marak bool numih komborih arab elle ecee Miikal yoh gacis. Miikal yi barrak, yoh gacis» kaak iyye.

2 Samuwel 5:7

Dawuduh tu gactek, Siyon qalel sugte megdebwa keenik raaqiseeh; tohuk wadir migaaqah Dawud-Magaala deqsitte.

2 Samuwel 6:15

Tonnal kaa kee Israayil ummat YALLIH Qahdi addat akak yan Sandug qililisakaay *baanta aagaruk farcatat Yarusalaam fan baahen.

2 Samuwel 6:20

Sarrak Dawud isi buxah marah dooqa aba'gidih yemeete waqdi, Miikal qari afal kaah garayteeh, too waqdi kaak intemii, «Kamba a saaku Israayil amoytaw, kaxxam migaq is teymeeqe! Isi gubal taamita marih baxuuwuy ken naqoosah yanihiyyah foocal, duqur innah qasunuk is hayya hayteeh; kamba migaq is teymeeqeh!» kaak inte.

1 Aydaad 15:29

Sandug Yarusalaam magaala culsan waqdi, Saawuluk raqte baxáy migaaqah Miikala deqsitak teneeh Dawud abbaxuk yenehiyya taagatak afah wagga hayte. Too waqdi tet baqalay YALLIH massakaxxah wonnak annah farcatah yargideeh gubak falita tuble. Toh tuble waqdi, «Ah tu'numuk tanih matan!» 'yaanam niyal hayteeh kaa burutteh.

Yasaqya 53:3

Kaa nuble way kaa burunneh, kaa cinneh xayyoowe kalleh. Ceeceyite num sugeh yen; mango biyak kaa yibbixe. Maqal kaat haysittem matan. Kulli num darre kaat cabe; kaa burunneh kaa maaqilleh.

1 Samuwel 18:17

Ayrok teena Saawul Dawuduk iyyeemih, «Inni baxá digibih koh abam faxa. Awkák migaq Meeraba. Tonna'mmay inni baxá koh abaamak dumalaa, agiruh yan qaskariitay digga le takkeemiiy, YALLIH migaaqal abna carbi abettoomul, koo kee yoo naharak titta geynam meqe» kaak iyye. Saawul woh akah iyyemii, tonnal Filistiin mari carbil kaa qideleeh isih kaa qidaamak ken gabat kaa qidsiisa'gidik ten.

1 Samuwel 18:20

Saawuluk gersi baxáy Miikal deqsittahiyya Dawud tikcine. Saawul woh yoobbe waqdi nabam yossokoote.