2 Samuwel 6:12 - NABUWWA KEE MALIKWA

¹² Malik Dawud Yallih Qahdi addat akak yan Sanduguk gexxaamah, YALLI Yoobad-Edom kee kay buxah marat barkat hee 'yaanam yoobbe waqdi, gexeh, woo Sandug Yarusalaam fan baahe. Gital too Sandugih-bahti kaxxam assakaxxayuk africuk yemeeten.

2 Samuwel 6:12 ပူးပေါင်းရင်းမြစ်များ

2 Samuwel 5:7

Dawuduh tu gactek, Siyon qalel sugte megdebwa keenik raaqiseeh; tohuk wadir migaaqah Dawud-Magaala deqsitte.

1 Malikwa 8:1

Too dabaanal YALLIH Qahdih Sandug, Dawud Magaalay Siyon deqsitahiyyal sugte. Malcinhaytoh alsay Etaanim deqsittahiyyat yamaate Iraawô-Dabih-Qiid deqsita qiidih ayro, ummatta Yarusalaamal koboxxe waqdi, Malik Suleeman, too Sandug Yallih Qibaadah-Qari fan baahaana'gidih, Israayilik saqoltih yan maraay kedoh abbobti kee makaabonuh seeco abe.

1 Malikwa 8:3

Sarrak Israayil ummattak saqoltih yen mari elle yani ikkel, seeka Qahdih-Sandug ukkuqqa hayteh Yallih Qibaadah-Qari fan beyte. Leewih yooboke mara kee seeka, Yallih Nabnah-Siraq kee tet addal sugte duyye inkih Yallih Qibaadah-Qari fan been.

1 Aydaad 15:15

Leewi-mari Yalli Muusah-afat ken elle amrise'nnal, too Sandug wassaakâ-gurral Sandug elle yakkuqen cooxul sunkul hayya heenih been.

1 Aydaad 15:25

Tohuk gaba kalla heen waqdi, Dawud kee Israayil abbobti kee qaskar-abbobti YALLIH Qahdih Sandug baahaana'gidih, Yoobad-Edom deqsita numih buxay woo Sandug elle yanihiyya fanah gexen. Too ayro kaxxa qaffayda kee farcat aben.

1 Aydaad 16:16

Abraahimih cule qahdi kassita; Iscaakak, «Ku abba luk cule qahdi abeyyo» axcuk xiibite.

1 Aydaad 26:4

Too dacayrit kaadu tenem, Yoobad-Edom deqsita numu. Yalli lab-xaylok bacaar kaah yeceeh yen. Too xaylok barah afat tenem, Samaqya deqsita numuk ten. Kay lakal ciggiltem, Yahodbad deqsita baxak ten. Kay lakal tenem, Yowac deqsita baxak ten. Kay lakal kaadu Sakar deqsita baxi yen. Sakar lakal Netanel yen.

1 Aydaad 26:5

Netanel lakal Qammiyel yen. Qammiyel lakal Issakar yen. Issakar lakal Faqultay yen. Toh akah tekkem, Yallak mango xaylo xalaamih barkat geemih taagak ten.

2 Aydaad 5:2

Too dabaanal YALLIH Qahdih Sandug, Dawud-Magaalay Siyon deqsitahiyyal sugte. Malcinhaytoh alsat yamaate Iraawô-Dabih-Qiid deqsita qiidih ayro Yarusalaamal kobxen waqdi, Malik Suleeman too Sandug Yallih Qibaadah-Qari fan baahaana'gidih, Israayilik saqoltih yan maraay kedoh abbobti kee makaabonuh seeco abe.