2 Samuwel 5:3 - NABUWWA KEE MALIKWA

³ Israayilik saqoltih yan mari toh axcuk Cebroonul kaal yemeeten saaku, Dawud kee Israayil ummatak saqoltih yen mari YALLIH foocal xagana tittah culen. Sarrak kaa yuskuteeniih; usuk tohuk wadir Israayil malik yekke.

2 Samuwel 5:3 ပူးပေါင်းရင်းမြစ်များ

2 Samuwel 2:4

Yuudâ-mari Cebron kaal yemeeteeh, Dawud yuskuteenih isinni malik kaa aben. Gilqad rasul ten Yaabes deqsitta magaalah mari Saawul yoogoqeh 'yaanam yoobbe waqdi,

2 Samuwel 2:7

Malikih siinik suge Saawul rabeh; yoh tu gactek, Yuudak rade mari isinni malik yoo abe. Taway siinik axceemih, agiira takkeeniih meysi cabtaanam siinil tan» inta farmo keenih ruube.

2 Samuwel 3:21

Abner kaak iyyemii, «Taway Israayil mara ku gabah gacsa'gidih gexu waa. Oson ko'lih bica haysiteloonuh isinni malik koo abelon. Too waqdi faxak sugtem geettooh inkih tan baaxoh amoyta akketto» kaak iyye. Too waqdi Dawud num kaa xage waamih digga kaah warseh muquk kaa ruube.

1 Malikwa 1:34

Tokkel isin sek Saaduk kee nabi Naatanak, Israayil malik yakke'gidih, kaa uskuta. Tohuk gaba kaltan waqdi, *baanta uguraay anay fayya haay, ‹Malik Suleeman ani haay! Malik Suleeman ani haay!› inxica.

2 Malikwa 11:17

Sek-Yoyadaq, Malik-Yooqas kee ummatta, YALLIH mara yakkeeni'gidih, YALLA kee ken fanal bica abe. Tonnah kaadu, malik kee ummatta fanal tu'bica abe.

1 Aydaad 11:1

Israayil mari yakkeemiik Cebron deqsitta magaala fan Dawudul yemeeten. Kaak iyyeenimih, «Nanu ku qabalaay, ku cadoyta kinnino.

1 Aydaad 11:3

Israayilik saqoltih yan mari toh axcuk Cebroonul kaal yemeete saaku, Dawud kee Israayil ummatak saqoltih yen mari YALLIH foocal xagana tittah culen. Sarrak Dawud yuskuteeniih; usuk tohuk wadir Israayil malik yekke. YALLI dumaak Samuwelik elle iyyeh suge'nnal, Dawud too saaku malik yekke.

1 Aydaad 28:4

Tonna'mmay YALLAY Israayil doore Dagelta kinnihiyya yi abbah buxak Israayil dardaarah gaca'gidih yoo dooreeh; yi durruyyatih reeda baxak baxal tabe leemih, YALLI qahdi neh culeh yan. Dardaarinna Yuudâ-kedoh yeceeh, Yuuda addak kaadu yi buxah marah dardaarinna geyaanamih nasiib yecee. Yi buxah marak addak kaadu yoo doorru heeh, inkih tan Israayil ummatih amoyta yoo abe.

2 Aydaad 23:16

Sek-Yoyadaq, Malik Yooqas kee ummatta YALLIH mara yakkeeni'gidih, YALLA kee ken fanal bica abe. Sitta fanah xayyossa heeh, YALLIH mara akkeloonumuh Yalla-kee xagana ken culse.

Nacmiya 9:38

Tohuk lakal «Net tikka 'teemik gexxaamah, Israayil ummattak nanuu, titta elle geyne tittin-gey kutbeh haysinnah nan. Too kutbel nek saqoltiiy, Leewih yooboke mara kee seeka firma heelon» iyyen.

Yoosuwa 10:36

Tokkek gaba kalen waqdi, Yoosuwa kee kay qaskar Qeglon magaalak Cebron deqsitta magaalay qaleela le baaxol tanihiyya fan gexen. Too magaalat kaadu qeebi abeenih

Makaabon 11:11

Tohuk lakal Yeftac Gilqad-makaabon lih gexeeh; too waqdi Gilqad-mari isinni amoyta kee qaskar-abba kaa aben. Yeftac Mixfa deqsita aracal YALLIH garil ama qangara nammeyhaak qagse.

1 Samuwel 11:15

Too waqdi yakkeenimik Gilgal fan gexen. Tokkel woo taahirik yen aracal, Saawul ken malik kinnim diggoysen. Sarrak amaanah xiinaanamih astah aban sadgat YALLAH aben. Saawul kee raqqa 'ye Israayil mari inkih too ayro tekkem yessekexxeenih.

1 Samuwel 16:13

Samuweliiy Dawud toobokoh foocal saliidit amo kaak yuskute. Too waqdiik YALLI Dawudul isi *Roocaaniyya oobiseeh; too saakuk xabba haanam YALLIH Roocaaniyya kaa'lih ten. Tohuk lakal Samuwel Raama fan yuduure.

1 Samuwel 23:18

Ken nammay too waqdi YALLIH migaaqal kataysis akkeloonumuh xagana tittah culen. Sarrak Yonaatan isi buxah yuduureeh, Dawud Cores rasul elle raaqe.