2 Samuwel 5:20 - NABUWWA KEE MALIKWA

²⁰ Too waqdi Dawud Baqal-Faraadim fan gexeeh, qeebi keenit abeeh, tokkel keenik yeyseh. Sarrak iyyemii, «YALLI yi naqboytit weeqi innah duufut bee» iyye. Tohuk gexxaamah too aracak migaaqah Baqal-Faraadim iyyen.

2 Samuwel 5:20 ပူးပေါင်းရင်းမြစ်များ

2 Samuwel 19:9

Takkay immay tohuk lakal Israayil mari kaxxam agaaradeeh, «Maca tayse hay labhay?» tittak iyyen. «Malik Dawud naqboytiitik nee cateeh, Filistiin marak nee cateh immay, qusbih Absalaamak kudeh, baaxo cabeh suge.

1 Aydaad 14:11

Yallak too gacsa gee waqdi, Baqal-Faraadim deqsita aracal qeebi keenit abeeh keenik yeyseh. Keenik yeyse waqdi, «Yalli yi naqboytit weeqi innah yi duufut bayse» 'yaanam iyye. Too aracak Baqal-Faraadim akah iyyeenim tohu.

Yasaqya 28:21

YALLI duma Faraadim-qalel akah abe innah siinit ugtele. Gibqon-Golol akah bagcarrite innah siinit bagcarritele. Isi taamay isin kaak akkaluk suge waytaana abele.

Cabakkuk 3:13

Akah temeetem, Dageltaw, isi-ummatay dumaak doorte catta'gidiiy wadda'gidi. Umeenitik abbah yen num bayisseeh, taqqa kaat inte. Kay qaskar kaa'lih finqisse.