2 Samuwel 3:31 - NABUWWA KEE MALIKWA

³¹ Tohuk lakal Dawud Yowab kee raqqa 'ye maray kaa'lih sugehiyyak, «Sara isinnik qanxisaay qabuudut gacaay Abner rabah rookita» iyye. Too saaku Malik Dawud isih ginaadak lakat gacca 'yeh gexe.

2 Samuwel 3:31 ပူးပေါင်းရင်းမြစ်များ

2 Samuwel 1:11

Dawud toh yoobbe waqdi, kaxxam qaadeeh sara isik edde qanxise. Kay mari kaadu toh abe.

2 Samuwel 1:2

Nammayhaytoh ayrok wadiril furraynuh yan awkii, Saawul macaxi mafdagah luk suge aracak, amol siisa heeh rookak gexxaamah sara isik qanxiseh, yemeete. Dawud fanah yemeeteeh kay assakaxxiyyah qansah baaxo xagam fan baaxok bagul qununna 'ye.

1 Malikwa 20:31

Too waqdi kay qaskarih-abbobti kaal gexxeh kaak intemii, «Israayil-mari-le-malikwa racmatta le 'yaanam noobbeh nanik, *qabuudu axcal ninnik uxuyyaay akoota ninnik fillat uxuyya hayneh, Israayil-malikil genxa'gidih idni neh ucuy; tonnal koo qide waam takkehik» kaak iyyen.

1 Malikwa 21:27

Eliyyas yaabak gaba kale waqdi, Acab sara isik qanxiseh baaxot qideeh, sartanah *qabuddat gace. Maaqo cineeh xiinih qabuddal gace. Tohuk wadir fooci kaak dattowwa 'yeh cisabbootak gexe.

2 Malikwa 19:1

Malik-Ciskiyyaahu a yab akah yoobbe innaak, sara isik qanxiseeh sartanah *qabuddat gacca 'yeh YALLIH Qibaadah-Qari gexe.

2 Malikwa 19:2

Malik-qarih-abbah yan Elaakim kee, malik-qarih kutbe-abeenah yan Sebna kee, seekah abbobtih yan mara ken lih hayya heeh, Amox-baxa-nabi-Yasaqya fan farmoh ken ruube. Oson kaadu sartanah *qabuudut gaceenih gexen.

Yoosuwa 7:6

Too waqdi Yoosuwa abeh yan wariggah sara isik qanxiseeh; YALLIH Qahdih-Sanduguk foocal gommoh rade. Israayil makaabon kaadu toh abteeh; tokkel aben arka yaybulleeni'gidih amol siisa luk magrib tikki 'yam fan gommoh sugen.

Makaabon 11:35

Usuk tet yuble waqdi baguuk teetih qaadeeh sara isik qanxiseh iyyeemih, «Yi baxáy, afqado yok dananisseeh niya yok tiggilek ah macaa? YALLAH cule nadri liyooh too nadri mamaka» iyye.