2 Samuwel 3:22 - NABUWWA KEE MALIKWA

²² Tohuk lakal Yowab kee gersi qaskar abbobti akah gexxeh sugte gaaduk tuduureeh, mango duyye dannabah gabat baahen. Cebron fan yemeeten waqdi, Dawud amaanah kaa ruubeemih sabbatah, Abner Cebroonul masuginna.

2 Samuwel 3:22 ပူးပေါင်းရင်းမြစ်များ

2 Samuwel 3:23

Yowab kee kaa'lih gexxe qaskar temeete waqdi, Abner malikil yemeeteeh malik amaanah kaa ruube 'yaanam yoobben.

2 Samuwel 4:2

Saawuluk raaqe baxi, kay gaadile warar abte waqdi, naqboytiitik midir buubte qaskar-abbobtik nammay luk yen. Ta qaskar abbobtih nammay migaaqah Baqna kee Rekab deqsitak yenen. Namma toobokoytak yeneenih; akah yoobokeenim, Benyam kedok ten. Ken abba Rimmon deqsita numuk teneeh, Beerot deqsitta magaalal dabqah yen. Beerot, Benyam kedo dabaaqah elle sugte magaalak ten.

1 Samuwel 27:8

Too dabaanal Dawud kee kay mara Gasur kee Gixxa kee Qamaalek maray dumaak woo baaxol elle sugehiyya buubak sugen. Ta mari Sur deqsita rasuk xabba haanamaay Masrih amma 'yaanam tan baaxol, dumî dabaanal guubuh elle sugen.