2 Samuwel 24:22 - NABUWWA KEE MALIKWA

²² Ornan, «Meqeh hay! Elli hay. Yallih migaaqal sadgatah isih faxxa haytam yok beetto. Sadgat elle aban aracal sadgatah qiddu wayta awurwa, ah kaanak, bey. Darok caffa edde kalan coox kee *madmad kaadu, ah kaanaay; sadgatah tasguudu wayta saqih cado elle alaysetto.

2 Samuwel 24:22 ပူးပေါင်းရင်းမြစ်များ

1 Malikwa 19:21

Too waqdi Eliisaq uduurra 'yeh isi awurwa yusguudeeh; cado elle alaysa'gidih, buqure edde abak suge *madmad iggilla heeh elle alayse. Woo cado ummattah keefeeh, woo ummatta woo cado tokmeh. Tohuk gaba kale waqdi, kaa cata num yakke'gidih, Eliyyas kataye.

1 Aydaad 21:22

Too waqdi Dawud Ornanak iyyeemih, «A lakimay sahda selahiyya nek gexa'gidih, ama daro caffa elle baxissa aracal, YALLIH sadgat elle aboonu waan arac elle haam faxak, yol xaam; dudda le limo koh edde abeyyok» kaak iyye.

Makaabon 6:26

Tohuk lakal a koomah amol, meqe'nnal heen xeetik, YALLAY ku Dagelta kinnihiyyah sadgat elle aban arac bicis. Malcina karmat yan awur bahha haay, cado akak carrisan sadgatah, woo Aseera deqsitta gurmuddak tiddigille bocol cararis» kaak iyye.

1 Samuwel 6:14

A gaari, Yoosuwa deqsita numuy dabqih Beet-Semes magaalal yenehiyyah buqre fan amma inteeh, tokkel yen kaxxa xixxaqih garil solla inte. Too waqdi woo mari woo cooxuk bicsen gaari godmat yirgiggiqeeniih, woo laahih nammay sadgatah qiden. Cado akak YALLAH sadgatah cararisen.