2 Samuwel 24:17 - NABUWWA KEE MALIKWA

¹⁷ Dawud woo malaykattuy ummatta qidahiyya yubleeh, too waqdi YALLAK iyyeemih, «Qellatat asseeh ceele-waytih tanim abtem yook, too qellatah, yoo kee yi buxah mara akah digaal. A masaakiina maca bahteeh macah digaalta?» iyye.

2 Samuwel 24:17 ပူးပေါင်းရင်းမြစ်များ

2 Samuwel 12:13

Too waqdi Dawud nabi Naatanak iyyeemih, «Anu nummah YALLAL dambi baahe» iyye. Sarrak Naatan annah iyye. «YALLI dambik qafu koh iyyeh raba mabta.

2 Samuwel 24:10

Dawud ta marih loowok gaba kale waqdi, umam abem kay xagar kaah warse. Too waqdi, «YALLAW, kaxxa dambi lem baaheh aniih, duqur abe waamat aseh anik, qafu yoh ab» iyye.

2 Samuwel 7:8

«Tonna'mmay taway yi naqasu Dawuduk intaamah, ‹YALLAY Nabaamak Nabahiyya kok iyyaamah, Edde sugte illi duwak kalla koo heeh, Israayil ummattak inkih abba koo abe.

1 Malikwa 22:17

Miikayhu too waqdi kaak iyyeemih, «Israayil qaskaray loyna sinni illi innah fixixih tanihiyya ableh an» iyye. Qagissa heeh, «YALLI ‹A mari is miraacisa abba leh mayanak, isinni buxaaxih gexxaasitoonay inxic» 'yaanam axcuk oobbe» iyye.

Yasaqya 6:5

Anu too waqdi exceemih, «Woyyow yi nabsow! YALLAY Nabaamak Nabaah malik kinnihiyya inni intih uble'mmay, edde yaabinnaan yab yok taahirik mayanay; addat akak anim, taahirik ane waa yab yaaba marih fanak tanih tanik, baati yot tekkeh tan» exce.

Yoonas 1:12

Yoonas keenik iyyeemih, «Yoo badat qida; tonnal aadelek. Ah siinit akah takkem yi sabbata» keenik iyye.

Zakariyya 13:7

YALLAY Nabaamak Nabahiyya iyyeemih, «Seefow, ama illi loynay yoh taamitahiyyat rad. Seefow, kaa qid; illi fixixele. Qunxa illit qeebi abeyyo.