2 Samuwel 23:5 - NABUWWA KEE MALIKWA

⁵ Yi buxa Yallih garil tonnah tanim yot celta. Macaay inteenik, Yalli yo'lih bica haysiteh, baye waa xagana yo'lih hee. Make waan xagana yo'lih heeh, akak kore waa qahdi yoh cule. Tonnal kulli waqdi yoo cateleeh, faxa axcem yoh abele. Yalli toh duuduselem digga le.

2 Samuwel 23:5 ပူးပေါင်းရင်းမြစ်များ

2 Samuwel 12:10

Yoo hawwenna hayteh, Uriyyâ-barra isih abitteemih sabbatah, ku ramad carbi gadda akkele› 'yaanam YALLI kok iyya.

2 Samuwel 13:14

Usuk tet yaabat baaqid mahanna. Caylah teetih aabbuk manannaay, tonna-leemiik teetik yeyseh tet cayliseh.

2 Samuwel 13:28

Kay taamat yan marak iyyemii, «Amnon kaxxam yaskirem tablen waqdi, cubbusak suggu 'xicay; anu amri siinih aceeyyok, isin kaa qida. Mameysitina. ‹Macah kaa qiddeeniih?› siinik iyya mari yenek, yoo liton. Labha tikaay, tamahal namma kalbi mahana» keenik iyye.

2 Samuwel 18:14

Yowab too waqdi iyyemii, «Anu ku yaabat wakti akah ruubam mayyu» inxicca 'yeh, sidiica macaxu luk foore. Too waqdi Absalaamay rooci edde yaniy caxat wanxexxeelih yanit, itta katassa heeh, woo sidiica macaxu afqadot kaak hee.

2 Samuwel 7:12

Atu rabtaah isi kaxxa abbobti lih tamoogoqu wayta saaku, ku xaylok numuk teena malikih heeyyooh, kay reeda qande bahsiiseyyo.

2 Samuwel 7:18

Tohuk lakal Malik Dawud siraq adday YALLA-elle-yaqbudeenihiyya culla 'yeeh, tokkel daffa 'yeh fayla kee dooqa abe. Iyyeemih, «YALLAW, Mulki le Dageltaw, anu a axxul le maqaaney yoh abtehiyya geyam caddik le num hinniyo. Yoo kee yi buxah marak atu neh abteh tan maqaane, ni caddik fulta maqaane.

1 Malikwa 1:5

Dawud xaylok Absalaam ciggiltam, ina akak Caggit deqsitta barrah baxay Qadoona deqsitahiyyak ten. Qadoona kaxxa qax-maqaane luk yen. Kay abba usuk faxem abaamah, kaa assacakkuk mananna. Qadoona malik yakkem faxak yen. Tohuk gexxaamah faras-gaari kee mango faariisa kee kontom numuy dacayrih kaat gactu waytahiyya naharal elle bical haysiteh yen.

1 Malikwa 11:38

Yi naqasuh yen Dawud akah abak suge innah, anu kok aba axceemik tu cabe'kal duudusseeh, anu oobise xinto aba intam abteeh, anu koo akah amrisam abak, yi garil cakkik tan taamat ase koo tekkek, kulli way ku qaxat gaceyyo. Israayil malik koo abeyyooh, Dawuduh akah abe innah, ku lakal kok radu waa marak numuk teena reediseyyo.

Yasaqya 11:1

Yiisak rade maray malikwâ-nasab le, yirgiqen caxah buxuxih bis aallele. Takkay immay woo yirgiqen caxah buxuxuy saaboh raaqehiyya saadeleh, caxah-ramiidak luddi awqele. Yiisak rade marak qusba malik tonnal awqele.

Yasaqya 27:6

Ahak sarra tamaate ayroora Yaqkuubuk samad daabimele. Israayilik ummat saadele; caxâ-miri baad duudusele.

Yasaqya 4:2

YALLIH Luddi nabna kee qax-maqaane edde baahu waa wakti amaatele. Too wakti Israayil ummattay baaxô-bagul raqtehiyya, woo baaxol taabuku waytam yabloonu waan waqdi, ruffu axceloonuuh; nabna edde geelon.

Yasaqya 54:10

Qaleeli bututtukka 'yaah, koomaami suge wayteh innah gactaamah, koh liyo kacni way mabaya. Amaanah koo xiiniseyyoomuh xagana koh cula» 'yaanam kok iyya. Tamah kok intam, YALLAY koh nacruurahiyya.

Yasaqya 55:3

Yi ummatey anu axcem ankacisaay yi fan ama; rooci siinik waara'gidih ankacisa. Waara xagana sin lih heeyyooh, Dawuduh qahdi akah cule kacanuy digga lehiyya siinit heeyyo.

Yasaqya 61:8

Macaay inteenik, yooy YALLAH yani qadaalat kicna. Cado akak carrisan sadgatak tu cabaanam niqibiyo. Liyoh an diggal inni ummattah galto gacseyyo; baye sinni qahdi ken lih heeyyo.

Yasaqya 7:14

Tonna'mmay YALLI asta isih sin aybulleele. Baxuwwah tan barra aadiqeleeh, lab-baxa xaleleeh, too awki migaaqah Ammaanuwel deqsitele.

Ermiyaas 32:40

Hawwensime waa qahdi ken kee inni fanal heeyyo. Maqaane keenik mayseediya. Yok meysita mara ken abeyyooh, tohuk wadir darre yot macaban.

Ermiyaas 33:21

Too bis le qahdi Dawuduy yi naqasuh yanihiyya kee Leewih tooboke seeka lih heeh en. Toh kaadu macâ-qahdiiy inteenik, Dawuduk rade marak numuk teena malik abeyyo 'yaanamah qahdi culeeh, Leewih yooboke marak numuk teena sek abeyyo 'yaanamal qahdi culeh en. Ta qahdi baya qahdi hinna.

Yacedkel 37:26

Anu qahdi ken lih haysiteyyooh, too qahdi amaanah ken xiiniseyyoomuh digga keenih akkele. Ken xiseyyooh, ixxima keenik aymaggeyyooh; inni Qibaadah-Qariy tokkek way kate waahiyya too baaxol heeyyo.

Qaamus 9:11

YALLI iyyamaa, «Dawud dardaarinnay yiddigille qarih innah yiddigillehiyya edde xisu waa wakti amaatele. Gaso akak xiseyyo. Abur wadir akak aqusbuuseyyo. Duma akah suge'nnah gacseyyo.

1 Samuwel 2:35

Imaan yol le numuy anu aba axcem abahiyya seekih heeyyo. Too seekik ramad raaqele. Too ramad anu dooru waa malik lih gacca 'yeh, yoh taamitele.

1 Samuwel 25:28

Anu baahe qellat eellek, qafu yoh ab. Atu abtam YALLI kok aba iyye carbi kinniimih sabbatah, koo kee kok raddem inkih malikwa akketton. Addunyâ bagul tanim fanah, umaane elle geytinta num akke koo kalay.