2 Samuwel 23:34 - NABUWWA KEE MALIKWA

³⁴ Acasbúy-Elifalatay Maqkal yooboke kee, Acitoofál-Alyamay Gilô-rasul yooboke kee,

2 Samuwel 23:34 ပူးပေါင်းရင်းမြစ်များ

2 Samuwel 10:6

Sarrak Qammon mari, Dawud naqabu xaamiteenim isinnik yeexegen. Tohuk gexxaamah, Suuriyah baaxok Beet-Racob kee Xooba deqsitta namma rakaakayak labaatanni alfi qaskariita lakqot bahsiisen. Tonnah kaadu, Toob rasuk taban kee namma alfi qaskariita kee, Maqka deqsitta baaxoh malik kee alfi qaskariita lakqot bahsiisen.

2 Samuwel 10:8

Qammon-mari qeebih fooreeh, inaytâ-magaalah keenik tan Rabba deqsitta magaalak culmeynat qeebi akak aboonu waan aracal gacen. Suuriya kee Toob kee Maqkah marah tu gactek, magaalak irol yan arac yibbixen.

2 Samuwel 11:3

Tonna leemiik malik is kinni sahdayto yaaxigem faxe. Too waqdi farmoh num ruubeeh, woo num, «Tet migaq Batsabaqa. Abba teetik Alyamaay; tet ginnaaqot tabbixem, Uriyya deqsita numuy Ciitah yoobokehiyya» kaak iyye.

2 Samuwel 15:12

Usuk sadgat kabuk teenak abeeh, kabuk teenak kaadu Giilô-magaalal yan Acitoofal deqsita numuy Malik Dawuduh fayu acayuk yenehiyyah farmo ruube. Waqlak wadir malikil malsen mala digga baahak bahteeh; Absalaam kataata mari amagguk yemegge.

2 Samuwel 15:31

Dawud, «Acitoofal Absalaam marat yengele» 'yaanam yoobbe waqdi, YALLA kallaceeh, iyyemii, «YALLAW, Acitoofal fayu foyya ab» iyye.

2 Samuwel 17:23

Acitoofal kay fayu oggole weenim yuble waqdi, isi dananal koori hayya heeh, isi magaala yuduure. Isi buxal, buxah addah caagid bicseek lakal, ogot is qide. Sarrak magaqah kay buxah mara edde haak sugen aracat kaa heen.

2 Samuwel 20:14

Sabaq Israayilih ubukka 'te kedoodah baaxok adda gacca 'yeh, Aabil-Beet-Maqka deqsitta magaala fanah yemeete. Bikri-gulub inkih magaalak irol gaabowwa 'yeenih, sarra magaala sitta lih culen.

1 Samuwel 26:6

Too waqdi Dawud Acimalek deqsita numuy Ciitâ-marah yooboke kee Abiisay deqsita numuy ina Yowab deqsita num lih luk yenehiyyak, «Sin nammayak Saawul xiinit elle yan arac yo'lih gexxu waytam iyya?» iyye. Abiisay too waqdi, «Anu gexeyyo» iyye. Abiisay Yowab toobokoytah yen. Ina keenik Dawud annak ten. Tet migaq Xaruyak ten.