2 Samuwel 23:21 - NABUWWA KEE MALIKWA

²¹ Tohuk kalah kaadu kaxxam masu naba Masri-num qideeh, too num gabat macaxu luk yene'mmay, Banaaya naharak gabah caxxat kaa yoogoreeh, sarrak gabat luk suge macaxu gabak kaak bukkussa heeh, woo macaxut kaa qide.

2 Samuwel 23:21 ပူးပေါင်းရင်းမြစ်များ

2 Samuwel 23:20

Yoyadáq-Banaaya kaadu kaak kaxxih yamixxige agiruk ten. Banaaya elle yoobokem, Kabxaqel deqsitta magaalak ten. Banaaya abinnaan taamal qangik ten. Mooyab marak namma agiru qide. Ayrok teena arroqle le rob radak sugeeh; too ayro Banaaya boodoh adda cule waqdi, lubak kaah sugeeh; too lubak qideh.

2 Samuwel 23:22

Toh agiruh yan Banaaya abe taama. Banaaya Yaaxigen Soddomih adoytak ten. A Soddomih addat migaaqat akak yabba yan numuk tene'mmay, Yaaxigen Sidoc gide migaq-gexxoh luk mananna. Dawud isit dacayrih tan qaskarak abba kaa abe.

1 Aydaad 11:23

Tohuk kalah kaadu, kaxxam masu naba Masri-num qide. Too num xexxaarah namma mitrik amo gexak yeneeh, silaacah kaxxa masu le macaxu luk yen. Banaaya naharak gabah caxxat kaa yoogoreeh, sarrak gabat luk suge macaxu gabak kaak bukkussa heeh, woo macaxut kaa qide.

1 Samuwel 17:51

Sarrak arduk kaa fan gexeeh, amol kaak sollu 'yeeh, kay seef siibba heeh, moyya kaak edde yirgiqeh kaa qide. Filistiin mari Golyaad rabem yuble waqdi inkih kuden.