2 Samuwel 23:10 - NABUWWA KEE MALIKWA

¹⁰ Alqedar isi aracak angayye'kal gaba kaak cawalah kaffa intam fan, Filistiin mara seefit selak suge. YALLI too saaku kaxxa nasri keenih yecee. Carbi gaba kale waqdi, Israayil mari Alqedar qeebit elle caben ikke yuduureeniih tokkel rabe marak silac kalen.

2 Samuwel 23:10 ပူးပေါင်းရင်းမြစ်များ

2 Samuwel 23:12

Samma makudinnay buqreh addal elle yeede. Oson kaat aban atka isik waasak, afah-afah ken qide. Tonnal too ayro kaadu YALLI too qeebil kaa yiysiiseh.

2 Malikwa 5:1

Suuriyah-malik, Niqmaan deqsita Suuriyah-qaskarih-abba kaxxam assakaxxayuk yeneeh kaxxa arac kaah abak yen. Woh akah tekkem, YALLI, Niqmaan gabat Suuriyah qaskarah iisa yeceeh yen. Usuk kaxxa qaskariitak ten. Takkay immay arab takme kaxxam uma dalka luk yen.

1 Aydaad 11:13

Filistiin-mari qeebih Fas-Dammim deqsita aracal gaaboowe saaku, Alqedar Dawud xaquuk qeebi abe. Gabru deqsitta daro elle toobokeh ten buqre ten. Israayil mari Filistiin marak awyah baaxo cabe waqdi,

Yasaqya 53:12

Saraf kee migaq le reeda, kaah eceeh, kayim abeyyo; mango ummat kee sahdah addat yassakaxxen num kaa abeyyo. Cayla-leela fanat kaadu cayla-liiy celem kaa abeyyo. Toh inkih kaah akah abem: isi fayxiik isi rooci calaaliseeh, fidah yecee; umeynittet loowoh gace. Umeynit edde asse dambi isi amol hayya heeh beeh yen. ‹Yallaw, qafu keenih inxic›, 'yaanam axcuk yoo kallace» 'yaanam YALLI iyye.

Yoosuwa 10:10

Gibqoonul YALLI, Israayil marih foocal, Amoorâ-mara fixixiseeh, qeebit akah baditan innah keenik abe. Too waqdi YALLI ken catak, woo qalek akak taban gitak keenit aben ardah Beet-Coron deqsitta magaala fan ken baahen. Qadeeka kee Makkeda deqsitta namma magaalak gabbi qaxa raaqa arac fan gital ken qidak ken baahen.

Yoosuwa 10:42

Yoosuwa a gid takke baaxo kee teetil yan mara kee malikwak edde yeysem, inki adda abe gaaduk ten. Wohim akah tekkem, YALLAY Israayil doore Dagelta kinnihiyya ken lih yeneeh; taham akah tekkem tohu.

Yoosuwa 11:8

YALLI Israayil mara qeebil keenik yiysiiseh, ken gabal ken hee. Israayil mari Misrafot-Mayim kee Sayda deqsitta baaxo fan ken ayradduk been. Tohuk kalah kaadu Mixfâ Golo deqsitta baaxoy ayrô-mawqa le kabut raqtahiyyah amma 'yaanam fan xiiriyak ken been. A maray Israayilik naqboytiitih yenehiyya saabo cabba haam fanah qeebi gexak suge.

Makaabon 15:14

Laci deqsita arac yemeete waqdi, Filistiin mari waxxaq axcuk arduk kaa fan yemeete. Garciik YALLIH *Roocaaniyya cayla kaat hayteeh, too waqdi caray kee mogoyut axawah kaak suge namma akat gira tokme tafulta elle yargiqen gurral yirgiqe.

Makaabon 15:18

Sarrak Samsoon kaxxam bakaariteeh; too waqdi YALLAL weeqeeh iyyemii, «A gid takke qande yoh teceeh iisa yoh tecee. Takkay immay bakaarah rabam faxaah, a diini-maleelah tan *Filistiin yoo tabbixem faxxa, YALLAW» iyye.

1 Samuwel 11:13

Saawul too waqdi iyyemii, «A saaki YALLI Israayil edde wade ayro ikkal, numul raba manackuma» iyye.

1 Samuwel 14:23

Beet-Awen deqsita aracak taturra 'yaanam fan qeebi keenit abak sugen. Too ayro YALLI Israayil mara tonnal cate.

1 Samuwel 14:6

Yonaatan woo furraynuy kaa'lih yanik iyyemii, «A *Filistiiniy diini-maleelah tanihiyya elle tani'kke fan nee bey. YALLI nee catam takkehik, dagnah faxeh gide nakke'mmay YALLI isih faxek, keenik nee aysiisele» iyye.

1 Samuwel 17:53

Israayil mari wokkek yuduure waqdi, Filistiin mari qeebih elle yinfiddigeh suge aracal caben duyye keenik buuben.

1 Samuwel 19:5

Yot maca akkele axce'kal Golyaadat qeebi abeh qideeh; YALLI Israayilih nasri edde yecee. Woo marak neyse saaku, atu isih ruffa intek, a saaku, Dawuduy tuh umaane baahe weel umam akah bahtam faxxaah, sabab maleh kaa akah qiddam faxxam macaay?» kaak iyye.