2 Samuwel 22:31 - NABUWWA KEE MALIKWA

³¹ Ku giti, ni Goytaw, manxu qaxa meqeeh, qellat sinni gita. YALLIH yab digga le. Goobuh kaa le mari reebuh kaa haysitan. Kay dacayrit yanin.

2 Samuwel 22:31 ပူးပေါင်းရင်းမြစ်များ

Nacmiya 9:8

Abraahim ku garil digga le num kinnim tubleh; xagana kaa'lih haysitte. Kaak rade marah baaxo ikoytah aceettoomih xagana kaah culte. Too baaxo, Kanqaan kee Ciitaay Amoora deqsita maraay Feriida kee Yabuusaay Girgaasah yooboke marih baaxo. Inteemil digga le Dagelta kinnitooh, xagana akah cultem abteh.

Daaniyel 4:34

Woo malcina sanat tatrek lakal malik iyyeemih, «Qaraanay Yalli elle yani wagga hee waqdi, kas yol gaceeh, too waqdi Yallay inkih daga raaqahiyyah candu gacseeh; kaay waarahiyya fayliseeh, essekexxeh. Kay mulki kulli way waara; Kay xinto ummaan waarele.

Daaniyel 4:37

Tonna leemiik yoo Nabkadnessar qaraanal yan Malik faylisaah kaa assakaxxeh. Usuk le nabnat yaabah, usuk abba heem inkih cakkik taniimiiy, kay giti cakki gita. Kaxxiina le marak kaxxiina kalu dudda le» 'yaanam iyye.