2 Samuwel 22:29 - NABUWWA KEE MALIKWA

²⁹ Ifu yok kinnito. YALLAW, yi Dageltaw, dite ifu yoh abte.

2 Samuwel 22:29 ပူးပေါင်းရင်းမြစ်များ

2 Samuwel 21:17

Takkay immay Xaruyá-Abiisay Dawud catoh yemeeteeh, taaxige masu naba numut atka abeeh edde kaa qide. Tahak wadir Dawuduk, «Qeebih ne'lih gexe waytaamah neh xiibit» iyyeeniih kaa xibsiisen. Sarrak kaak iyyeenimih, «Kibaal elle linom, kooy; koo waynam mafanxak, gaaduh genxa waqdi buxal elle raq» kaak iyyen.

1 Malikwa 11:36

Yoo elle yaqbudoonuh anu innih doore Yarusalaam magaalal, sarrî dabaanal Dawud ramadak numuk teeni abba yakke'gidih, Suleeman baxah inki kedo cabeyyo.

Yasaqya 50:10

YALLAK meysitaah, kay-naqasih-yab yaabbe maraw, diteh yan aracal ifu sinnuk gexxan way, Yalla eemenaay kibaal YALLAL haysita.

Miika 7:9

Dambi lem bahneeh, tohuk gexxaamah YALLI nee yinqibeh. Tonna leemiik ta saaku usuk net aba digaala raabitnam nel tan. Macaay innek, YALLI ellecabol umaanek kalalu neh akkele. Sinam duma nel bahte umaaneh aftok neh amqele. Ditek iful nee ayyaaqele. Nee cateleeh, kay cato geenno.

Malaaki 4:2

Siiniy yok meysitak yoo yaynabehiyyah tu gactek, sin catu waa ayro siinih awqeleeh; qaafiyat geettoonuuh, waddiimetton. Too waqdi ogok yifdigen rugaageh innah digiritetton.