2 Samuwel 22:15 - NABUWWA KEE MALIKWA

¹⁵ Ruube gaysê-baxi, naqboytiitit radeeh, fixixissa ken hee. Yalli ruube cankax, baaxok ken xiiriye.

2 Samuwel 22:15 ပူးပေါင်းရင်းမြစ်များ

Cabakkuk 3:11

Ato lito gaysê-baxay habug iyyaah liliq iyya, qalaamisseeh qidde waqdi, qaran bagul alsa solteh, ayro kinnih edde solte. Ku macaxuy habug iyyah, ayro solteeh, alsa teede.

Yoosuwa 10:10

Gibqoonul YALLI, Israayil marih foocal, Amoorâ-mara fixixiseeh, qeebit akah baditan innah keenik abe. Too waqdi YALLI ken catak, woo qalek akak taban gitak keenit aben ardah Beet-Coron deqsitta magaala fan ken baahen. Qadeeka kee Makkeda deqsitta namma magaalak gabbi qaxa raaqa arac fan gital ken qidak ken baahen.

1 Samuwel 7:10

Samuwel Yallih sadgatih abittot yan waqdi, Filistiin-mari ken yabbixe'gidih keenit xayyooweh yen. Too waqdi YALLI qaraanaak kakkaqo keenil ruube. Too waqdi aben wariggah fixixeenih, mariiy kabul keenik gexe. Toh yublen waqdi, Israayil mari Mixfa deqsita aracaak keenit aben ardat Beet-Kaar deqsitta magaala fan ken baahen. Gital mango mara keenik qideenih, keenik yayseenih.