2 Samuwel 21:12 - NABUWWA KEE MALIKWA

¹² Gilqad rasul tan Yaabes-magaalal yan mara fan gexxa 'yeh, Saawul kee Saawul baxa Yonaatan lafa baaheh. Gilqad mari Saawul kee baxi lafa akak baaheenim, Filistiin-mari Gilbowaq-qaleh amol ken qide saaku, elle ken takareh suge Beet-San deqsitta magaalak gudek teneeh; tokkek garqeenih baahen. Filistiin-mari Saawul kee kay baxa Yonaatan qidda heenik lakal, lafa keenik too magaalal takreenih yenen.

2 Samuwel 21:12 ပူးပေါင်းရင်းမြစ်များ

2 Samuwel 1:21

«Gilbowaq qaleelaw, rob siinil rade waay! Rob kee buqre ken booxaaxal able waynay. A abaaro akah axceemih akah abamaa, agiira le goobwa wanna maleh raqte. Tohum qax-umaane kinnih waaga mali. Saawuluk gob saliid duugo geyah mayan.

2 Samuwel 1:6

Awki kaal gacseemih, «Gilbowaq qaleh amol suge waqdi, Saawul macaxul qekuh yaniih, naqboytit carbi edde aban gaariira kee faariisah amot gacca 'teh kaa fan amaatuk sugtem uble.

2 Samuwel 2:4

Yuudâ-mari Cebron kaal yemeeteeh, Dawud yuskuteenih isinni malik kaa aben. Gilqad rasul ten Yaabes deqsitta magaalah mari Saawul yoogoqeh 'yaanam yoobbe waqdi,

2 Samuwel 21:11

Dawud Rixfa abtam yoobbe waqdi,

2 Samuwel 21:13

Sarrak Dawuduu, Saawul kee Yonaatan lafa kee woo malcina numuy takayrut sugtehiyyah lafa bahha heeh, inki aracal gaaboyse.

1 Aydaad 10:1

Filistiin mari, Israayil marat Gilbowaq-Qale deqsitta qaleh amol qeebi aben. Too qeebit Israayil marak mangom rabteeh wohuk raqtem toowweh.

1 Aydaad 10:12

agiirah keenik yan mari doorimma 'yeeh Saawul kee kay xayloh lafa elle tani ikke gexeenih, Yaabes-magaala fanah baahen. Too marih lafa, too magaalal ten kaxxa caxah gubal yoogoqen. Sarrak ken rabih rookah malcina ayro soomuh sugen.

1 Aydaad 10:8

Qeebi gaba kalek lakal ciggilta ayro Filistiin mari qeebit rabe marak duyye seelebaana'gidih yemeeten waqdi, Saawul kee kay xayloh sidocuy Gilbowaq-qaleh amol qangalaylut tanihiyya keenih sugte.

Yoosuwa 17:11

Issakar kee Aaser geen baaxol, Manasseh yeceen magaalooli ah teeti. Beet-San kee Yiblaqam kee, Door deqsitta magaalay baddi afal tanihiyya kee, Qendor kee Taqnak kee Magiddo kee ken dariifal enna 'ta gaandoodi inkih kenim tekke.

1 Samuwel 28:4

Filistiin qaskar gaabowwa 'teh temeeteeh, Suunem deqsita aracal yinfiddigen. Saawul isi qaskar gaabossa heeh, Gilbowaq deqsitta qaleh xaqul yinfiddigen.

1 Samuwel 31:1

Filistiin mari Gilbowaq deqsitta qalel Israayil marat qeebi aben. Too qeebit Israayil marak mangom rabteeh wohuk raqtem toowweh. Yoowwe marat Saawul deqsita Israayil malik kee kay xaylo edde ten. Takkay immay lakak ken ayradduk exbeebexxa ken heenih, Saawul lab xaylok Yonaatan kee Abinadab kee Malkisuwaq deqsitta labha qiden.

1 Samuwel 31:3

Woo saakih qeebi Saawul akak yan kabul kaxxam qilsuk yen. Tonna leemik Filistiin qaskar rubteh tan gaysê-baxat Saawul uma'nnah mudduumeeh madaluh raaqe.

1 Samuwel 31:4

Too waqdi silac kaah akkuquk suge furraynuh yan numuk, «A diini-maleelah tan Filistiin ummatta yoo qiddeh yol tirtirissaamak, ama tikyat lito seefit yoo qid» kaak iyye. Takkay immay woo furrayni seefit kaa qidu meysih yeffereh. Toh yuble waqdi Saawul isi seef siibba heeh is edde qide.