2 Samuwel 21:10 - NABUWWA KEE MALIKWA

¹⁰ Saawuluk raqte gubnay Rixfa deqsitta, rabe marih ginaada takayruh elle tani ikkel, xixxaq amol qabudda fidissa hayteh elle gacteeh, daro edde orbisan waktik xabba haanamaay rob edde yamaate wakti guffa haam fanah, elle sugte. Laqo-laqo woo raysa qambil kee guma takmeemik dacrisak teneeh, bar-bar alluwwa takmeemik dacrisak ten.

2 Samuwel 21:10 ပူးပေါင်းရင်းမြစ်များ

2 Samuwel 21:11

Dawud Rixfa abtam yoobbe waqdi,

2 Samuwel 3:7

Saawuluk raqte gubnay migaaqah Ayyá-Rixfa deqsittahiyyak ten. Too barra Saawul caggoh gubih caggoytak ten. Ayrok teena, Isboset deqsita Saawuluk raaqe baxi Abnerik malkite. Iyyemii, «Yi abbak raqte barra akah caraamissam macaay?» kaak iyye.

1 Malikwa 21:27

Eliyyas yaabak gaba kale waqdi, Acab sara isik qanxiseh baaxot qideeh, sartanah *qabuddat gace. Maaqo cineeh xiinih qabuddal gace. Tohuk wadir fooci kaak dattowwa 'yeh cisabbootak gexe.

Ermiyaas 14:22

Faxe baaxoh mari yalla axcuk yaqbuden duyye rob mabahta. Qaran isih baaha rob mali. Ah abtu duddam koo kinnuk, niya elle linom, kooy ni Dagelta kinnihiyya» iyyen.

Yacedkel 39:4

Koo kee ku qaskar kee, ku qaxat gacca 'teh ko'lih qeebi abta'gidih temeete qaskar ambaxeleeh; raysi siinik Israayil qaleelal raaqele. Raysa siinik haada kee alluwwâ maaqo abeyyo.

Hosiqa 6:3

YALLA naaxagay. Kaa naaxige'gidih, digga innay. Tonnal, barak lakal maaci maacisam akah naaxige'nnah, YALLI nel amaatelem digga hayna. Dabayba kee sugum rade rob baaxo akah doogisa'nnah, YALLI rooci nek aqusbuusele» iyyan.

Ayyuqel 1:18

Laahi qululuh gardaah; elle alooluk yen niqmatak tan baaxo kafte. Illi kee wadar takme qayso mageyta.

Ayyuqel 2:23

Siyon maraw, YALLAY sin Dagelta kinnihiyya siinih abem ubulay, ruffa 'xica. Duma elle ruubak suge'nnal, dabayba kee karmaay sugumul, dudda le rob siinih ruubeh yan.

Zakariyya 10:1

YALLI siinih aceelek, dabayba rob siinih rada'gidih kaa kallaca. Rob xagarat le qamburre rubtaah, woo qamburreh addak robti tiffa rubtaah baaxo anxaxxossam YALLA.

1 Samuwel 17:44

Sarrakaay Dawuduk, «Qeebi yo'lih abtuh am. Raysa kok guma kee alluwwâ-cado abeyyok» iyye.

1 Samuwel 17:46

Ta saaku YALLI yi gabah addat koo heele. Anu kok qeebih ayseyyooh, moyya kok kaleyyo. Filistiin marih raysi guma kee alluwwâ-gadda akkele. Tohuk wadir Israayil mari Yalla lem baadal yan mari inkih aabbele.