2 Samuwel 20:19 - NABUWWA KEE MALIKWA

¹⁹ A magaalah mari Israayil addal amaan kee digga le mara. Ni magaala Israayil addal kaxxa tuxxiq le magaala. Hay, tonnal, nee akah bayissam faxxam macaa? YALLIH magaala bayissam akah faxxam macaa?» kaak inte.

2 Samuwel 20:19 ပူးပေါင်းရင်းမြစ်များ

2 Samuwel 14:16

Anu axcem aabbeleeh, yi baxa qidam faxa numuy Yalli neh yecee baaxok nee yayyaaqem faxahiyyak nee catele 'yaanamah niya kol heeh emeete» inte.

2 Samuwel 17:16

Sarrak keenik iyyeemih, «Taway xayuk sissikuk Dawuduh farmo ruuba. ‹Ama Ordon weeqaytu akak taban tabeenal ta bar maxiininay, ta barat edde Ordonuk tabay maacisa. Tonnal koo kee ku mara mabbux kee rabak cattiimettoonu› 'yaanam farmoh keenih ruuba» iyye.

2 Samuwel 20:18

Too waqdi kaak inteemih, «Dumî dabaanal, ‹Waagisseenimih af Aabil-magaalal geyan› axcuk neh sugeeniih, tu waagise mari a magaala amaatuk suge.

2 Samuwel 20:20

«Aleey, toh inkinnah acsubem hinna. Anu sin magaala baysa num hinniyo.

2 Samuwel 21:3

Too waqdi Dawud Gibqon marah seeceeh keenik iyyemii, «YALLI doore marah dooqa abtaana'gidih, Saawul siinil baahe baatilik sin aymaaqem faxak, macal sin aymaaqooh?» keenik iyye.

Ermiyaas 51:34

Yarusalaam mari iyyeemih, «Baabelon malik nee bayseh saabo nee cabsiise. Magaala suge wayteh innah hee. Nee bayseh, Yarusalaam lee akak fuuqen gacla abe. Gawi sinam elle yanxuqe innal, sinam nee tunxuqe. Isih faxem nek beeh, wohuk raqtem baaxot nek qide.

Ermiyaas 51:44

Yalli iyyemii: «Baabelon mari yallah le Beel deqsitta duyye bayseyyo. Yunxuqem alliyoh kaak gacseyyo. Tohuk wadir ummat kaa aqbuduk maraqta. Baabelon gasoosa addigillele.

Makaabon 5:7

Debooray, atu tamaatem fan Israayil baaxol gaandoodiy sinam akak teerrel, atu amma 'tam fan mandar-taameenit ween. Sarrak atu temeeteeh ina keenih tekke.

1 Samuwel 10:1

Tohuk lakal Samuwel caxâ xaylok bicsen saliid* (zeyti) edde yan karaarat bahha heeh Saawuluk amol caxe. Sarrak fugga kaa heeh kaak iyyeemih, «YALLI, Israayiliy isi mara abehiyyah amoyta takke'gidih, koo yuskute. Atu kay mara naqboytiitik dacrisettooh, ken catetto. YALLI Israayil amoyta takke'gidih koo doorem elle taaxagu waytam macaay intek,

1 Samuwel 26:19

Malikow, axcem yok oobbey. Yi amot koo haytem YALLA tekkek, kaah sadgat abnay nek oggolay. Hinna'mmay sahda koo edde asissam tekkek, too maral YALLIH abaaro obtay. Ta mari YALLI doore baaxok yoo yeyyeeqeeh marin baaxoy Yallih aftok gabak bicsen duyye uqbud yok elle iyyaanal yoo heen.