2 Samuwel 20:10 - NABUWWA KEE MALIKWA

¹⁰ Qamaasa, Yowab guri gabat le seef yubleh masuginnaay; tohuk gexxaamah, cubbi kaak maabitinna. Yowab gabat abbaxuk suge seef bagut kaak hee. Too waqdi ulqi baaxol kaak rade. Too waqdiik rooci kaak yewqem yublek wadir, kaat qagtam mafaxinna. Tohuk lakal Yowab kee kay toobokoyta Abiisay, Sabaq elle yani ikke oysitak gexen.

2 Samuwel 20:10 ပူးပေါင်းရင်းမြစ်များ

2 Samuwel 2:23

Qasahel lakak kaak raaqu cineeh; too waqdi Abner gabat abbaxuk suge macaxih-dibaaro bagut kaak hee. Too macaxi darre le kabuk kaak yewqe. Qasahel baaxok bagul radeh edde rabe. Kay raysi qangalaylut elle yani'kke gufe mari tokkel elle sooleeh elle yeede.

2 Samuwel 20:9

Yowab Qamaasa gee waqdi, afak, «Yi kataysaw, mannah tan?» kaak inxicca 'yeh, kaa fugutam cella heeh, migdi gabah deben kaak yibbixe.

2 Samuwel 3:27

Abner Cebron-magaalah-culmeyna gufe waqdi, Yowab giti qaxa garayah kaa beyam cella heeh gile bagut kaak hee. Abner, duma Yowab toobokoytay Qasahel deqsita qideh sugeemih sabbatah, tonnal rabe.

1 Aydaad 12:2

Too mari akah yoobokem, Benyam kedoy Saawul akah yoobokehiyyak ten. Guri gaba kee migdi gabah inkih gaysê-baxa elle qidan gura kee wanxefit xeet elle qidan inna nagay aaxaguk yenen.

Ermiyaas 41:2

Ismaaqil kee a tabna num seef sibba hayteh Gedalya qidde. Tonnal Baabelon-malik baaxoh-abba hee num qiden.

Makaabon 3:15

Takkay immay YALLAL weeqah hayya heen waqdi, YALLI ahak currih ken yayyaaqu waa num keenih hee. Tohuu, Benyaamah yooboke Gerá-Eehud deqsita guralik yen num yen. Israayil mari gabal kaak gabbara hayya heenih malik fanah kaa ruuben.

Makaabon 3:21

Migdal tikiyat luk suge gile guri gabah siibba heeh, taaxige malikik bagut culussa hee.

1 Samuwel 26:8

Abiisay too waqdi Dawuduk iyyemii, «Ta bar Yalli ku naqboyta gabah addat kok qideh yanik, inki adda a abbixe macaxut kaa mudeh baaxot kaa xakbisay yoo m'intaa? Inki addah mudumut edde kaa qideyyok» iyye.