2 Samuwel 20:1 - NABUWWA KEE MALIKWA

¹ Too waqdi umaanek abbah yan numuy migaaqah Bikrí-Sabaq deqsitaah kedok Benyaamah yoobokehiyya Gilgal magaalal suge. Too num baanta yoogoreeh anay fayya haak, «Israayil maraw, Dawud neh yakkem mali. Yiisâ-baxi Dawud ni num hinnak, kulli num isi buxah siinik yaduuray» iyye.

2 Samuwel 20:1 ပူးပေါင်းရင်းမြစ်များ

2 Samuwel 15:10

Takkay immay wokke gufe waqdi, Israayilih ubukka 'ye marah inkih farmo ruubeh iyyemii, «Baantah anay taabben waqdi, anay fayya haay, ‹Absalaam Cebron-magaalal malik yekke› inxica» keenik iyye.

2 Samuwel 16:11

Tohuk lakal Dawud Abiisay kee kay gubal taamita doolat marak iyyemii, «Inni sammok xale baxi yoo qidam faxa way, isin a numih xaafu macah waagissan? A xaafu kay afat haytem YALLA. Tonna-leemik yanay kaa inxicaay, aba xaafu abitay kaa 'xica.

2 Samuwel 16:7

Tohul macabinnay, «Kee gex wonnah! Gex wonnah biileenaw, sarreenaw!

2 Samuwel 18:17

Sarrak Absalaam raysa beeniih, garboh addal tan kaxxa boodot qiden. Tohuk lakal woo boodo xeetik kibeenih, waydal gurral bicsen. Toh tekke waqdi Israayil mari yakkeemik mariiy isi buxa fanah kude.

2 Samuwel 20:2

Too waqdi Israayil mari yakkeemiik Dawud cabeh Sabaq lih gexen. Yuudâ-marah tu gactek elle raaqeeh; Ordonuk xabba haanamaay Yarusalaam magaalah amma 'yaanam kaa'lih yemeeten.

2 Samuwel 20:22

Sarrak magaalal yan mara fan gexxeeh, a mala keenil bahte. Too mari Sabaqak moyya irgiqqa heenih gasoh amook Yowabah qiden. Too waqdi Yowab is marah, ahaysa a magaalak nee beya 'yaanamih astah baanta heeh; too baantah anay yoobben waqdi, isinni buxa fan yuduuren. Yowab Malik-Dawuduy Yarusalaamal yanihiyya fan gexe.

2 Samuwel 23:6

Yallal aamine waa mari baaxot qiden keenaanih gide. Gabah xageenik sahda mudda keenaanih gide.

1 Malikwa 12:16

Yemeete mari, malik yab keenik aabbe cinem yublen waqdi, «Ah maca neh xiqee, Dawud kee Dawuduk rade mara? Nee kee keenik maca tangalee? Kata labhay, nee beya! Racabqam ahaysa isih faxem abbaasitay» iyyen. Tohuk wadir Israayil mari woo xintol saduh gacen.

1 Malikwa 21:10

Baabuurute marak nammay bahha haay, kay foocal daffessa ken haay, ‹Nabot, Yalla-kee malik xaafe axcuk kaal wada› inxica. Too waqdi magaalak afah kaa eyyeeqay xeetit kaa qida» 'yaanam elle hayte warkat rubte.

2 Aydaad 10:16

Yemeete mari, malik yab keenik aabbe cinem yublen waqdi, «Ah maca neh xiqee, Dawud kee Dawuduk rade mara? Nee kee keenik maca tangalee? Kata labhay, nee beya! Racabqam ahaysa isih faxem abbaasitay» iyyen. Tohuk wadir Israayil mari woo xintol saduh gacen.

2 Aydaad 10:6

Malik Racabqam kay abbah taamat sugte idoolay kay abba fayu elle esserak sugehiyya fan *fayu essera'gidih gexeeh, «A mari yok iyyeemik maca keenil gacsam tayseeh?» axcuk fayu keenil essere.

Makaabon 19:22

Tonnal farcatat yanin waqdi, magaalah addal tan labhay taama akak toomehiyya garciik qari keenik marot heen. Qari afa keenil kaxxam yoogoren. Qari le numuk, «Ama ku buxa yemeete num annah afah nel eyyeq; fido kaat fanxa'gidih neh kaa eyyeq» iyyen.

Makaabon 3:27

Qaleela le Efrayim rasu gufe waqdi Israayil marah *baanta yoogoreeh, «Ummatey carbih uguta» iyye. Too mari yemeete waqdi, qaleelâ baguy dabaqah elle sugeenik foocat gacca 'yeh ken bee.

Ruut 2:3

Ruut buqreh adda gexxeeh; tokkel daro orbisa mari cabem gaabossa'gidih, sinaamak darre-darret gexxe. Nasiibih woh elle abak sugtem, tet baqalah ramad le numuy Booqas deqsitahiyyah buqreh adda.

1 Samuwel 13:2

Saawul Israayilik sidiica alfih num dooreeh; woo sidiica alfik namma alfih num Beetal deqsitta baaxoy mango qaleela lek Mikmas deqsita aracal is lih raaqise. Alfi num kaadu Benyam rasul ten Gibqa deqsitta magaala fan isi baxay migaaqah Yonaatan deqsitahiyya lih ruube. Raqqa 'ye mara buxah ruube.

1 Samuwel 2:12

Qeli qamal-uma xaylo luk yen. Kay xaylo YALLAT baaqid luk manannaay, hinnay kaadu YALLAH-aban-sadgatak seekah yaceen aftot baaqid luk manannon. Num sadgat aba'gidih wokke yamaate waqdi, ken taamah afat yan num sidiica af le malkaqay cado edde mudaanahiyya luk amma 'yaah,

1 Samuwel 30:22

Sarrak uli maray Dawud lih gexeh sugehiyyay bagi-umaane kee tuxxiq sinna inkih lehiyya annah inte. «A mari ne'lih magexinnaay; tonna-leemik away dannabah bahne saqak tu keenih manaca. Isinni xaylo kee agabuy seewah keenik beenih sugeenihiyya beeteenih gexxaasitoonay» iyyen.