2 Samuwel 2:5 - NABUWWA KEE MALIKWA

⁵ Dawud tokke farmoh sinam ruube. Iyyeemih, «Isinni malik toogoqeeniih, digga le mara tekken. Tohuh YALLI barkat siinit haay.

2 Samuwel 2:5 ပူးပေါင်းရင်းမြစ်များ

2 Samuwel 21:12

Gilqad rasul tan Yaabes-magaalal yan mara fan gexxa 'yeh, Saawul kee Saawul baxa Yonaatan lafa baaheh. Gilqad mari Saawul kee baxi lafa akak baaheenim, Filistiin-mari Gilbowaq-qaleh amol ken qide saaku, elle ken takareh suge Beet-San deqsitta magaalak gudek teneeh; tokkek garqeenih baahen. Filistiin-mari Saawul kee kay baxa Yonaatan qidda heenik lakal, lafa keenik too magaalal takreenih yenen.

Yoosuwa 2:14

Osonuuy teetik iyyeenimih, «Nanu inxicci innam abe waynek, Yalli nee qiday. Nanu abak sugnem gersi marah warse waytek, YALLI a baaxo neh yacayu waa saaku koh amqennoomuh xagana koh culla» teetik iyyen.

Makaabon 21:8

Sarrakaa, «Gaabownah arac amaate wayteeh, daffeynat angale waytem maa maraay?» axcuk titta esseren. Gilqad rasuk Yaabes magaalal yen mari amaate weenimil titta geen.

Ruut 1:8

keenik inteemih, «Isin isinni inonti fan uduuraay; yoo kee isinni baqoltih maquk akah sugten innah, YALLI siinih yamqay.

Ruut 2:20

Noqmi inteemih, «Booqasat YALLI barkat haay. YALLI addunyal-yan-mara kee rabe-marah inkih cule qahdi keenil mamakam ableh. Booqas nek ramadaay; ni cegsi elle yamaate marak numuk teeni kaa» teetik inte.

Ruut 3:10

Too waqdi Booqas teetik iyyemii, «Yi baxáy, YALLI barkat kot haay. Atu away abte maqaane duma abte maqaanek tayseh. Gadda alle kee baaca alle yakken immay, furraynâ-lakat magexinnito.

1 Samuwel 11:1

Alsak wadiril Qammon-malikiy Nacas deqsitahiyya Gilqad-rasuk Yaabes-deqsitta-magaala yabbixe'gidih gexeeh maro teetit hee. Yaabes-magaala elle tenem, Gilqad deqsitta baaxok ten. Yaabes-mari Nacasak iyyemii, «Amoytiinuh koo oggoleh immay ninni kee ku fanal bica abnaama» kaak iyyen.

1 Samuwel 11:9

Sarrak woo gaaboowe mari, Yaabes-magaalak farmoh yemeete marak iyyeenimii, «Beera wallaqenta, sin wadenno siinik iyyen, inxica» keenik iyyen. Sarrak Yaabes-magaalah mari a farmo yoobbeeh, too waqdi kaxxam ruffa iyyen.

1 Samuwel 15:13

Samuwel, Saawul elle yani'kke yemeeteeh; Saawul kaa yuble waqdi, «Samuwelow, YALLI barkat kot haay» axcuk salaamatta kaah abek lakal, «YALLI yok ‹Aba› iyyem duuduseh» kaak iyye.

1 Samuwel 23:21

Saawul keenik iyyeemih, «Yoh abteenimih YALLI barkat siinit haay!

1 Samuwel 24:19

Gabah addat kaak rade naqboytal tu baahe'kah rubtam iyyay? A saaku yoh abte maqaaneh galto YALLI koh gacisay.