2 Samuwel 2:26 - NABUWWA KEE MALIKWA

²⁶ Abner Yowabah seeceeh iyyeemih, «A qeebik aade waynay inte inna? Aham ellecabol maqaanet macabta'mmay, ahaysa ku marak yoo makatayinay uduura intam aysuk manannaa? Maabinay yok raaqa. Kee yaalo! Akah nanim inki baaxoh marak» iyye.

2 Samuwel 2:26 ပူးပေါင်းရင်းမြစ်များ

2 Samuwel 11:25

Toh yoobbe waqdi, Dawud kaak iyyeemih, «Yowabak ‹Aytikum› inxicaay, ‹Tekkeemit masakkitin. Qeebi yakke waqdi qeebit rabu waa num, num mayaaxiga. Away qeebit quuruk culaay, magaala ibbixa› 'yaanam kaak inxic» iyye.

2 Samuwel 2:14

Sarrak Abner Yowabak iyyeemih, «Sin mara kee ni marih addak furraynah tan qaskar doorru hayneh qeebih yayse mara nable'gidih tittat ken rubnay» iyye. Yowab, «Meqeh hay» kaak iyye.

2 Samuwel 2:16

Kulli num isi numuk moyya xabba heeh, gileh salcet hee. Dawud mara kee gersi mari inkih baaxok bagul afah radeenih, edde raben. Tohuk gexxaamah too arac migaaqah «Gileela-Booxa» deqsitak raaqe.

2 Samuwel 2:25

Benyam-kedoh qallalle Abner hawah temeeteeh, qaleh amok qeebih bical gacte.

2 Samuwel 2:27

Yowab too waqdi kaal gacseemih, «Yallay waara yok yaaxigeeh away yaabe wannitoy, yi mari maaci maacissa 'yam fanah lakak sin ayradduk suge raare» iyye.

Yasaqya 1:20

Takkay immay yi yab cinteenih a umaanet gexak raqteenik, carbi siinit akkeleeh edde bayetton» iyyah yan. «Aham siinik intam yoo YALLA» iyye.

Ermiyaas 12:12

Baaxo inkitanuuk bayisu waa mara ruubeyyo. Carbi keenit abu waa mara keenit ruubeyyo. Sinam buubu waa mari, gitah bakarroytah tan fayya le aroocaak gacak, wararah keenit amaatelon. Ahaysa amaan mageyan.

Ermiyaas 2:30

Duma sin mara digaaleh immay too digaalat maaduurinnon. Umaanek sin gacsam faxeh immay taduuroonu cinteenih. Sin fan ruube nabuwwal, qansaritta lubooka tekkeeniih seefit sella ken hayten.

Ermiyaas 4:21

Qeebi kee baantah anay ma wakti fan aabbu waah an?

Ermiyaas 46:10

Immay ta ayro, YALLAY Dagelta kinnih Nabaamak Nabahiyyah ayro kinni. Ta ayro YALLI cane edde gacisa ayro. Ta ayro YALLI isi naqboyta edde digaala ayro. Kay seef saabo cabba haanam fanah ken selele. Ken qabalak cayya 'yam fanah ken selele. Macaay inteenik, YALLAY Dagelta kinnih Nabaamak Nabahiyya, kilbatak Fuurat weeqaytih xaqul tan baaxol sadgatah ken qidele.

Ermiyaas 46:14

«Malik Nabkadnessar yamaatem Masri marah warisa. Migdol kee Moof kee Tacfanhis magaaloolil yan mara iysixxiga. Keenik intaanamah: ‹Sin xaqul yan mara edde selan seef sin kaadu macaba'mmay edde koysittoonu duddeenik, bical gaca› keenik inxica.

Hosiqa 11:6

Magaalooli keenik carbit bayele. Magaaloolih afoofi keenik carbit addigillele. Yi mari yoo cineh isit celtem abeeh; tohih sabbatah carbit ken bayseyyo.