2 Samuwel 19:10 - NABUWWA KEE MALIKWA

¹⁰ Nanu Absalaam malik yakke'gidih nuskuteh sugne. Takkay immay usuk carbit rabeh. Tonna-leemiik away numuk teeni gexeh, Malik Dawud macah gace waah?» 'yaanamih mala baahen.

2 Samuwel 19:10 ပူးပေါင်းရင်းမြစ်များ

2 Samuwel 15:14

Too xaagu gee waqdi, Dawud, kay gubal taamita maray Yarusalaam addal yanik iyyemii, «Absalaamak nasillimeemi. Xayuk ugutay nee beya. Woh abe waynek, kaa kee kay mari amaateleeh, num macabaanaay, magaalal sugu waa mara inkih selelon» keenik iyye.

2 Samuwel 15:16

Too waqdi malik, kay gubal taamita doolat mara kee isi buxah mara gabat hayya heeh, daqaarime. Kay caggoh gubih caggoh nikaacat yabbixe agabuk taban buxa dacrisa'gidih elle cabe.

2 Samuwel 18:14

Yowab too waqdi iyyemii, «Anu ku yaabat wakti akah ruubam mayyu» inxicca 'yeh, sidiica macaxu luk foore. Too waqdi Absalaamay rooci edde yaniy caxat wanxexxeelih yanit, itta katassa heeh, woo sidiica macaxu afqadot kaak hee.

2 Samuwel 19:11

Israayil mari sittak iyyeemih xaagi Malik Dawud gufe. Too waqdi Saaduk kee Abiyataar deqsitta seeka farmoh ruubeeh, keenik iyyemii, «Yuudah abbobtik intaanamah, ‹Isin kullim gaba kaltek sarra yoo cata mara macah tekken?

2 Samuwel 19:40

Malik Dawud Gilgal fan gexe. Kimham kaadu kaa'lih gexe. Yuudâ-qaskar takkeemiik Ordon weeqaytuk tabissa kaa hayteh, Israayil qaskarak garab kaa'lih tabte. Tonnal, Gilgal yemeeten.

2 Samuwel 19:9

Takkay immay tohuk lakal Israayil mari kaxxam agaaradeeh, «Maca tayse hay labhay?» tittak iyyen. «Malik Dawud naqboytiitik nee cateeh, Filistiin marak nee cateh immay, qusbih Absalaamak kudeh, baaxo cabeh suge.

Hosiqa 8:4

«Yi mari malikwa keenih yekke mara isinnih dooriteeni'mmay, woo dooro yoo maleh, isinni amok aben. Abbobti keenik yakku waa mara dooriteenih immay, woo dooro keenik moggoliminna. Buxal luk sugen qado lakqo kee dahabak, yalla axcuk yaqbuden duyye bicsen. Too duyye baati keenil baahele.

Makaabon 18:9

«Akah genxe baaxo nubleeh, meqe baaxoy niqmatak tanihiyyak ten. Akkel foyyah daffeyna ikkalahaa, away sissikuk genxek, baaxo keenik raaqisennok, ugutay labhay nee beya.