2 Samuwel 18:8 - NABUWWA KEE MALIKWA

⁸ Woo qeebi barri baaxol inkih yekke. Too saaku garboh addat rabe mari, seefit rabe marak manguk yen.

2 Samuwel 18:8 ပူးပေါင်းရင်းမြစ်များ

2 Samuwel 18:7

Dawud-mari Israayil-marak qeebih yayseh. Kaxxa nasri keenil geen. Woo ayroh addal labaatanna alfih num keenik rabe.

2 Samuwel 18:9

Absalaam garciik Dawud marat matre waqdi, bakil amot sugeeh; woo bakil arduk kaxxa caxah guba kaa culusse. Too waqdi amo kaak woo caxak fallakka le aracat culte. Amot akak suge bakil isih kaak gexxeeh; usuk woo caxah fallakkat edde wanxexxeelak raaqe.

1 Malikwa 20:30

Wohuk raaqe mari Afeek-magaala fan kudeeh; tokkel labaatanna kee malcina alfih qaskariital, magaalat maroh sugte gaso raddeeh edde raben. Banihadad kaadu woo magaala fan kudeeh qarik darrê golit yombooqore.

Yoosuwa 10:11

Amoorâ-mari Israayil marak woo qalek ooban waqdi, akak taban gitak kudak oobak sugen waqdi, YALLI kaxxa arroqle keenil ruubeeh; too arroqle Qadeeka guffa haanam fan keenil radak sugte. Israayil marih gabat tembexeemik, too arroqle qiddem tembegge.