2 Samuwel 18:3 - NABUWWA KEE MALIKWA

³ Osonuuy, «Atu ne'lih gexxam mafaxxinta. Nanu inkih wadir naduureh, nek garab raba way, naqboytiitil tu hinna. Koh tu gactekiiy, nek tabna alfih numih gide kot taniimih sabbatah, atu a magaalal elle raqteh, ama'kkek cato neh rubtam tayse» kaak iyye.

2 Samuwel 18:3 ပူးပေါင်းရင်းမြစ်များ

2 Samuwel 10:11

Too waqdi Yowab toobokoytak iyyemii, «Suuriyah mari qeebil yok yaysem tublek, catoh yoh amaatetto. Qammon mari kok yaysem ublek, catoh anu koh amaateyyo» iyye.

2 Samuwel 17:2

Usuk yecleh niya kaak radda waqdi, qeebi kaat abeyyo. Too waqdi meysi kaa abbixeleeh; kay mari yakkeenimiik kudele. Tonnal malik qideyyooh,

2 Samuwel 21:17

Takkay immay Xaruyá-Abiisay Dawud catoh yemeeteeh, taaxige masu naba numut atka abeeh edde kaa qide. Tahak wadir Dawuduk, «Qeebih ne'lih gexe waytaamah neh xiibit» iyyeeniih kaa xibsiisen. Sarrak kaak iyyeenimih, «Kibaal elle linom, kooy; koo waynam mafanxak, gaaduh genxa waqdi buxal elle raq» kaak iyyen.

1 Malikwa 22:31

Qeebi rade waqdi Suuriyah malik, faras-gaarih-abbobtiy soddom kee nammay tekkehiyyah amri yeceeh iyyemii, «Gexay dibuk Israayil-malik ibbixa; kaak kalih marat qeebi maabina» iyye.

Zakariyya 13:7

YALLAY Nabaamak Nabahiyya iyyeemih, «Seefow, ama illi loynay yoh taamitahiyyat rad. Seefow, kaa qid; illi fixixele. Qunxa illit qeebi abeyyo.

1 Samuwel 18:7

Too agbi gadah, «Saawul mango alfi yakke mara qide'mmay Dawud mango tabanih alfih num qide» iyyen.