2 Samuwel 18:19 - NABUWWA KEE MALIKWA

¹⁹ Saaduk baxi Acimqax Yowabak iyyeemih, «Malik fanah arduk gexxa exceh, YALLI naqboytiitik kaa catem kaah warisu waak, gexu yoo cab» iyye.

2 Samuwel 18:19 ပူးပေါင်းရင်းမြစ်များ

2 Samuwel 15:27

Tohut macabinnay kaadu qagseh Saadukuk, «Koo kee Abiyataar, ku baxa Acimqax kee Abiyataar baxa Yonaatan gabat beyay uduura. Amaan sin lih yanay.

2 Samuwel 15:36

Acimqax kee Yonaatan deqsitta ken xayloh nammay wokkel yaniih; xaaguk geyya haanam keenil yoh ruubeloonuk, keenih waris. Toh kaxxam yoh xiqele» kaak iyye.

2 Samuwel 17:17

Abiyataar-baxay migaaqah Yonaatan deqsitak yenehiyya kee Saaduk-baxay migaaqah Acimqax deqsitak yenehiyya Qenrogel deqsita buyyiy Yarusalaam-magaalak dago xexxar baxa le ikkel yanihiyyah garil gaceenih yenen. Wokkel akah gaceenim, woo magaala sahda ken abalih culaanamih meysik ten. Buxah addal taamitta baxuwwa keenil amma 'taah tikki 'tam kulli waqdi keenih warisak ten. Oson kaadu tohim kulli waqdi Malik Dawud fanah gexak kaah warisak yenen.

2 Samuwel 18:20

Yowab too waqdi kaal gacseemih, «Atu xaagu warissu waytam a saaku hinnay, gersi saaku. A saaku malikik baxi rabe ikkal, atu kaah mawarissa» kaak iyye.

2 Samuwel 18:23

Acimqax iyyemii, «Faxem edde takkeemih, xaagu warsa'gidih gexam faxa» kaak iyye. Yowab, «Woysa gex hay» kaak iyye. Too waqdi arduk Ordon-golok adda gacca 'yeh Kuusuh yooboke numuk yookomeh Dawudul yemeete.

2 Samuwel 18:31

Sarrak Kuusuh aabakuk yen num yemeeteeh, malik Dawuduk, «Yi amoytaw, meqe xaagu koh abbixe. YALLI a saaku qeebi kot abam faxak suge marak koo yiysiiseh, umaane abe waytem kok qaddoyseh» kaak iyye.

Ermiyaas 51:31

Baabeloonut takku wayta baati malikih warsaana'gidih, mariiy kabuk kaa fan arduk amaatele. Baabelon inkitanuuk tintixibbixem kaah warselon.