2 Samuwel 17:23 - NABUWWA KEE MALIKWA

²³ Acitoofal kay fayu oggole weenim yuble waqdi, isi dananal koori hayya heeh, isi magaala yuduure. Isi buxal, buxah addah caagid bicseek lakal, ogot is qide. Sarrak magaqah kay buxah mara edde haak sugen aracat kaa heen.

2 Samuwel 17:23 ပူးပေါင်းရင်းမြစ်များ

2 Samuwel 15:12

Usuk sadgat kabuk teenak abeeh, kabuk teenak kaadu Giilô-magaalal yan Acitoofal deqsita numuy Malik Dawuduh fayu acayuk yenehiyyah farmo ruube. Waqlak wadir malikil malsen mala digga baahak bahteeh; Absalaam kataata mari amagguk yemegge.

2 Samuwel 15:31

Dawud, «Acitoofal Absalaam marat yengele» 'yaanam yoobbe waqdi, YALLA kallaceeh, iyyemii, «YALLAW, Acitoofal fayu foyya ab» iyye.

2 Samuwel 16:23

Woo dabaanal sahda Acitoofal fayuh aba axcinnaanim Yalli afat kaak hee yab akkaluk yenen. Duma Dawud toh akkaluk yeneeh; Absalaam kaadu toh yekkele.

2 Samuwel 17:22

Dawud kee kay mara gexoh bical gaceenih sarrak fooreenih. Maaci ifu ruube waqdi, yakkeenimiik inkih Ordon weeqaytuk tabeenih sugen.

1 Malikwa 16:18

Dimri, magaala yibbixeenim yuble waqdi, malik elle gaca qarik iqiyat edde rebsiman golit culeeh qarit gira ruube. Too girat carareh edde rabe.

2 Malikwa 20:1

Toh edde tekke uddurut, Malik Ciskiyyaahu kaxxa biyaakah biyaakite. Rabi kaat xayyooweh suge. Amox-baxi-nabi-Yasaqya kaal yemeeteeh kaak iyyemii, «YALLI, ‹Ahaysa rabi kot xayiih; ama lakimak murta'mmay, buxâ-mara farriimitay cab› kok iyyah yan» 'yaanam kaak iyye.

Yasaqya 38:1

Toh edde tekke uddurut, Malik Ciskiyyaahu kaxxa biyaakah biyaakite. Rabi kaat xayyooweh suge. Amox-baxi-nabi-Yasaqya kaal yemeeteeh kaak iyyemii, «YALLI, ‹Ahaysa rabi kot xayiih; ama lakimak murta'mmay, buxâ-mara farriimitay cab› kok iyyah yan» 'yaanam kaak iyye.