2 Samuwel 17:11 - NABUWWA KEE MALIKWA

¹¹ Tonna leemiik, anu innih kasah kok axceemih: Israayil maray mangah qiddeyti inna lehiyya Israayil baaxok woo exxaay a exxak inki'kkel gaabossu haysay, gaaduh isih foocat keenik gacca 'xicaay ken bey.

2 Samuwel 17:11 ပူးပေါင်းရင်းမြစ်များ

2 Samuwel 12:28

taway qaskarak raqqa 'tem gaabossa hay magaala tabbixe'gidih am. Anu a magaala usuk raaqise yok 'yaanam mafaxak, amay isih ibbix» 'yaanam kaah ruube.

2 Samuwel 24:2

Too waqdi Dawud qaskar abbah yen Yowabah amri yeceeh iyyemii, «Qaskar abbobti lih gacca 'xicay, inkih tan Israayil kedooda elle geytimma 'ta baaxok, woo qaxaay a qaxa fanat, yakkeenih gide keenik looway am. Qadad keenik aaxigem faxak» iyye.

1 Malikwa 20:10

Sarrak Banihadad wadirih woo marat gersi farmo ruube. Iyyemii, «Ama elle tan ku magaala bayisu waa mara koh ruubeyyo. Riirak gabat beyaanam tu maraqta. Tah abe wayya heek, yallitte yoo bayissay» iyye.

1 Malikwa 4:20

Yuuda kee Israayil mari mangah arrooqih gide akkuk yeneeniih, isinnih elle faxen innal akamukuuy aaqabuk farcaanak yenen.

Yoosuwa 11:4

Too mari inkih tan qaskaray mangah baddi afih qiddeytih gide takkehiyya luk yemeeten. Toh lih kaadu mango faariisa kee faaris beyta gaariira luk yemeeten.

Makaabon 20:1

Tah yoobbe mari, Israayil mari elle eneyya 'ya ikkek, Gilqad rasul elle suge marih agantah, num maraaqinnay, inkih yakkeenimik Mixfa deqsita aracal YALLIH foocal gaaboowen.

1 Samuwel 13:5

Filistiin mari Israayil marat qeebi aba'gidih gaaboowe. Qeebi edde aban gaariirak soddom alfi takkem luk yenen. Laca alfi takke labhay faaris amok qeebi abta luk yenen. Kalah ten qaskar keenik mangah qadad luk manannaay mangah qiddeyti axxul luk yenen. Too macaxi Mikmas deqsita aracay Beet-Awen deqsitta'kkek ayrô-mawqa le kabut raqtal yinfiddigen.

1 Samuwel 3:20

Sarrak Israayil mari kulli kabuk inkih yakkeemiik, Samuwel YALLIH nabi kinnim yeexegeenih.