2 Samuwel 16:21 - NABUWWA KEE MALIKWA

²¹ Too waqdi Acitoofal kaal gacsemii, «Gexay ku abba caggô gubih caggoh nikaacat yabbixe agabuy isi qarit dacayrih cabehiyyat fido fax. Tonnal Israayil baaxol eneyya 'ya mari inkih, ku abbak naqboyta isik abtem aaxigeloonuuh; koo kataya mari kaadu wonnal agiiritele» iyye.

2 Samuwel 16:21 ပူးပေါင်းရင်းမြစ်များ

2 Samuwel 10:6

Sarrak Qammon mari, Dawud naqabu xaamiteenim isinnik yeexegen. Tohuk gexxaamah, Suuriyah baaxok Beet-Racob kee Xooba deqsitta namma rakaakayak labaatanni alfi qaskariita lakqot bahsiisen. Tonnah kaadu, Toob rasuk taban kee namma alfi qaskariita kee, Maqka deqsitta baaxoh malik kee alfi qaskariita lakqot bahsiisen.

2 Samuwel 12:11

Qagseh kaadu kok iyyaamah, ‹Ku buxah marak addak umaane koo abbixele. Isi namma intih abalih, ku agabu kok kalla heeh, kol xayi numih gabal heeyyo. Too num qado-laqo sahdak foocal fido keenit faxele.

2 Samuwel 13:5

Yonadab too waqdi kaak iyyemii, «Tonnal abtam hay! Gexxa 'xicay qarkaytol qaxah gacay lakmissam cel. K'abba kot boysita'gidih yamaate waqdi, kaak intaamah, ‹Ku maganak, yi maqanxá Tamaari maaqo yoh abta'gidih yoh rub. Anu tet elle able'kkel, is maaqo yoh bicissaah, isih afat yoh haytam teetik faxak, tet yoh rub› kaak inxic» iyye.

2 Samuwel 15:16

Too waqdi malik, kay gubal taamita doolat mara kee isi buxah mara gabat hayya heeh, daqaarime. Kay caggoh gubih caggoh nikaacat yabbixe agabuk taban buxa dacrisa'gidih elle cabe.

2 Samuwel 16:20

Tohuk lakal Absalaam Acitoofal fan ufkunna 'yeh, «Away akkel maca abnam tayseeh? Macal nee fayissaah?» kaak iyye.

2 Samuwel 17:7

Cusaay kaal gacsemii, «Acitoofal ta saaku koh yecee fayi meqe fayuk tanih matan.

2 Samuwel 2:7

Malikih siinik suge Saawul rabeh; yoh tu gactek, Yuudak rade mari isinni malik yoo abe. Taway siinik axceemih, agiira takkeeniih meysi cabtaanam siinil tan» inta farmo keenih ruube.

2 Samuwel 20:3

Dawud isi qariy Yarusalaamal yanihiyya gufe waqdi, caggô-gubih caggoh nikaacat abbaxuk yen tabna barray qarit dacayrih cabeh sugehiyyat dacayrih sinam hee. Faxxa haanam tokkeek keenih abak yene'mmay, fido keenit faxak manannaay; dibuk tani ikket ken abbaxuk yen. Too agbi rabba 'yam fanah gubun gurrah sugen.

1 Malikwa 11:25

Too num Israayil mara yinqibeeh, Suleeman rabba 'yam fanah naqboytah kaak sugeeh; Hadad innah kaa taqbisak yen.

1 Malikwa 2:17

«Ku maganak, Suunem baahen Abiisag deqsitta baxuwwa rihimih faxah anik, Malik Suleeman lih atu yabtek, kok macinak, ‹Too awká kaah ab› yoh inxic» teetik iyye.

1 Malikwa 2:22

«Yi-inay, ah macah yok intaa? Tonnal a dardaarinna kaadu edde kaah ucuya yok intam tayse. Usuk yok saqalah yaniih, sek Abiyataar kee Yowab kay qaxa tanim mataaxiga?» teetik iyye.

Zakariyya 8:13

Yuuda kee Israayil maraw, duma yan saaku allî-baaxoh mari titta abaara waqdi, ‹Yuuda kee Israayil tibbixe bala sin tabbaxay› 'yaanam tittak axcuk sugen. Takkay immay a saaku tohuk sin cateyyo. Toh axcuk suge mari, ‹Yalli Yuuda kee Israayilit hee barkat siinit haay› akak inxicca iyyan barkat siinit heeyyo. Tonna kinnuk agiira takkeeniih meysi cabtaanam siinil tan» iyye.

1 Samuwel 13:4

Tonnal, Saawul Filistiin-marak dago qandet qeebi abeh keenik yeyseeh; tohuk gexxaamah woo mari ken niqbam, Israayil-mari yoobbeh. Tonna-leemik Gilgal deqsita aracal Saawulut yengelen.

1 Samuwel 27:12

Takkay immay Aakis kaa yeemeneeh isi bagul, «Kay mari kaa niqbah yanik, addunyal yanim fan inni taamat kaa hayu waa» iyye.