2 Samuwel 16:11 - NABUWWA KEE MALIKWA

¹¹ Tohuk lakal Dawud Abiisay kee kay gubal taamita doolat marak iyyemii, «Inni sammok xale baxi yoo qidam faxa way, isin a numih xaafu macah waagissan? A xaafu kay afat haytem YALLA. Tonna-leemik yanay kaa inxicaay, aba xaafu abitay kaa 'xica.

2 Samuwel 16:11 ပူးပေါင်းရင်းမြစ်များ

2 Samuwel 20:1

Too waqdi umaanek abbah yan numuy migaaqah Bikrí-Sabaq deqsitaah kedok Benyaamah yoobokehiyya Gilgal magaalal suge. Too num baanta yoogoreeh anay fayya haak, «Israayil maraw, Dawud neh yakkem mali. Yiisâ-baxi Dawud ni num hinnak, kulli num isi buxah siinik yaduuray» iyye.

2 Samuwel 7:2

Ayrok teena Dawud, Nabi Naatanak iyyeemih, «Anu akkel, akah table'nnah, innih sariidâ-cooxuk bicsen qarih addal ani'mmay, Yallih Qahdih Sandug uxih siraq addat yanik; ahak maca abam taysee?» iyye.

2 Malikwa 19:37

Ayrok teena yalla iyyeh yaqbude duyyey Nisrok deqsittahiyya, wohuh bicsen qarih addal aqbuduk suge waqdi, kay xayloh nammayay migaaqah Adrammelek kee Sarxer deqsitta amma 'teh seefit kaa qiden. Sarrak Araarat deqsita rasu fan yoowwen. Kay aracal Isar-Caddon deqsita kay baxi malik yekke.

2 Aydaad 32:21

YALLI, malaykattu ruubeeh; woo malaykatti Assuuriyah qaskar abbobti kee qaskar qide. Assuuriyah malik tohut wacarriy kaa yibbixeeh, Assuuriya fan yuduure. Ayrok teena Assuuriyah malik, Yallih aftok yalla axcuk Yalla akke sinnim elle yaqbude qarih addal yan waqdi, kay xaylok tu seefit kaa qidde.

Yacedkel 14:9

«Nabuwwak tiyak teeni aylahitta 'yeh, akke waytaamat yaabe kaa tekkek, kaa aylahissem yoo kinnim ixiga. Tonnah yan nabi Israayil ummatih addak ayyaaqeyyo.

Yacedkel 20:25

Too waqdi waar akak gee waan amri kee xintoh xiina mara ken abe.

1 Samuwel 26:19

Malikow, axcem yok oobbey. Yi amot koo haytem YALLA tekkek, kaah sadgat abnay nek oggolay. Hinna'mmay sahda koo edde asissam tekkek, too maral YALLIH abaaro obtay. Ta mari YALLI doore baaxok yoo yeyyeeqeeh marin baaxoy Yallih aftok gabak bicsen duyye uqbud yok elle iyyaanal yoo heen.