2 Samuwel 16:10 - NABUWWA KEE MALIKWA

¹⁰ Malik too waqdi Abiisay kee kay saqalah yan Yowabak iyyemii, «Xaruyâ-xayloy, ah sin wagitta qaada hinna. Usuk YALLI kaak yot aba iyye xaafu yot abbaasitaamah, YALLI ah macah kaak aba, intu talliilem miyyaay?» iyye.

2 Samuwel 16:10 ပူးပေါင်းရင်းမြစ်များ

2 Samuwel 19:22

Dawud, Abiisay kee kay saqalah yan Yowabak iyyemii, «Xaruyâ-xayloy, ah sin wagitta qaada hinna. Isin umaanet yoo culussaanam maay faxxan? Away Israayil-malik yoo kinniimih sabbatah, a saaku Israayil-marak numul rabi cokmi magaca» iyye.

2 Samuwel 19:23

Too waqdi Simqik iyyeemih, «Koo qide waamah koh xiibitah» kaak iyye.

2 Samuwel 3:39

Anu a saaku Yalli doore malik kinniyoh immay, boolaatem innik ableh an. Xaruyâ-xaylo yab yok taabbu cinteh; umam abe numul YALLI umam baahay» iyye.

1 Malikwa 17:18

Too waqdi is Eliyyasak intemii, «Yallih numow, annah tanim macah yok abte? Akke akah temeetem, anu abeh an dambi Yalla kassisseh baxa yok qidsissa'gidii?» kaak inte.

1 Malikwa 2:5

«Tohuk kalah koh warsam liyo» kaak iyye. «Toh macaay intek, duma Yowab yol baahem taaxigeh. Israayil qaskarih abbobtik namma num qidem kassa koo. Nér-Abner kee Yetér-Qamasa qiddem kaa. Qeebi addat ken maqidinnaay, baaxo wagarih tan saaku, loowitiik ken qidem atu isih kassittah. Tu baahe wee mara annaak qide. Usuk abe umaane kay fillal raqtaah akah biyaakitam kaal tan» iyye.

2 Malikwa 18:25

Qagisak iyyemii, «A arac baysa'gidih akah emeetem, YALLIH amri'kkal, inni amri maay takkalee? YALLI, ‹Woo baaxo ibbixay bayisa› 'yaanam isih yok iyye, 'yaanam kaak inxica» keenik iyye.

Daaniyel 4:35

Baaxol enna 'ta ummatta kay garil tu hinna. Qaraanal tan malayka kee baaxol tan ummatta inkih kay milkih gubat tan. Usuk faxeemil saduh gacu duuda num mayan. Usuk abem macah tekkeeh, iyyu duuda num mayan.

1 Samuwel 26:19

Malikow, axcem yok oobbey. Yi amot koo haytem YALLA tekkek, kaah sadgat abnay nek oggolay. Hinna'mmay sahda koo edde asissam tekkek, too maral YALLIH abaaro obtay. Ta mari YALLI doore baaxok yoo yeyyeeqeeh marin baaxoy Yallih aftok gabak bicsen duyye uqbud yok elle iyyaanal yoo heen.