2 Samuwel 16:1 - NABUWWA KEE MALIKWA

¹ Dawud qaleh amook, qunxuum addah ooba waqdi, garciik Xibat yongoorowe. Xiba Mafibosetih taamita numuk ten. Xiba, namma boolih gaqamboyta kee, kafsen qinab-xaylok bool gaqamboyta kee, bool yakke caxâ-miru kee qinabak bicsen kamrik kiben saar, koori le danoonak nammayay cixut yabbixehiyyal eerra heeh baahe.

2 Samuwel 16:1 ပူးပေါင်းရင်းမြစ်များ

2 Samuwel 15:30

Dawud ‹Madeera-li Qale› deqsitak ten qale boogisak yewqe. Too waqdi ib-qassih yeneeh, amot saro heeh yen. Kaa'lih yen mari yakkeemiik kaak kaxxih amô-sara isik hayya heeh, woo qale kaa'lih boogisak yewqen.

2 Samuwel 15:32

Dawud qaleh amoy Yalla elle yaqbudeeni gufe waqdi, aamanuk yen kataysay migaaqah Cusaay deqsitaah, Qarka deqsita gulubuh aabakuk yenehiyya gee. Cusaay Dawudut tekkeemih sara isik qanxiseh yeneeh, amol ballaaqe luk yemeete.

2 Samuwel 19:17

Usuk alfi yakke maray Benyaamah yooboke is luk abbaxuk yen. Saawul buxah marih taamat yen Xiba deqsita num kaadu, xaylok taban kee konooy kee, labaatanna yakke taama mara lih yemeeteeh, Ordonul malikik naharat gufe.

2 Samuwel 19:32

Bardillay kaxxam bar naba numuk teneeh bacra-tabanih sanat luk suge. Kaadu kaxxa gaddalik teneeh, malik Macanaayim rasul yen saaku maaqo kaah baahak suge.

1 Aydaad 12:40

Kilbat le kabut raqta baaxoy Issakar kee Dablon kee Naftaali kedo elle tanihiyyay Cebroonuk xeeruk raqtahiyyaak, danoona kee gaala kee baakil kee awurwal, riyen bulul kee sublâ-xayloy kafseenihiyya kee kafsen qinab-xaylo kee qinabak bicsen kamri kee caxâ xaylok bicsen *zeyti (saliid) eerra heenih tokke baahen. Tohuk kalah kaadu, laa kee illiy yasguudoonu waanahiyya baahen. Ta axxul le bica kee mattacoy ummatta bahtehiyya Dawud dardaareemih fayxih farcatah aben.

Ermiyaas 40:10

Anu Mixfal sugeyyooh; Baabelon mari yamaatu waa saaku, siinik iyyaanam tenek, anu sin aftok siinih yaabeyyo. Siinih tu gactek, ama elle tanton mandarwa fan uduuraay, tokkel qinab-xaylo ifiilaay caxâ-miru kee *daytuun xaylo ifiilla haay, daanah edde haan gaanut haay suga» keenik iyye.

Ermiyaas 40:12

fixixih elle suggu 'yen baaxooxak Yuudâ-rasu fan yuduuren. Gedalyay Mixfa deqsita aracal abbah keenik cabeenihiyya fanah yemeeten. Tokkel qinab kee caxâ-miruk mangom gaaboysen.

Qaamus 8:1

Qaamus kaadu qagseh iyyemii, «YALLAY Mulki le kaadu gersi sirri yoo yuybullee. Too waqdi kaadu sirrih ublemii, kafaqay kudaarak kibuk yanihiyya uble.

Miika 7:1

Nabi Miika iyyeemih, «Woyyow yi nabsow! Satqiteh yemeete numuy caxat caxâ-miru weeh, qinab-xaylo wee ekke. Qinab kee salfa luk yen caxâ-miruk tu matan.

1 Samuwel 10:3

Tokkek gexettooh, Taabor deqsita aracak woo kaxxam naba caxa elle tani ikke fan amaatetto. Tokkel sidiica numuy Beetal deqsita arac fan Yallah sadgat abaana'gidih gexxahiyya geetto. Too marak numuk teeni girgirwak sidoc beyak koh sugele; aki num sidooca gaqamboyta luk sugele; sidochaytô-numuuy qinab kamrik kibuk yan saar gabat luk koh sugele.

1 Samuwel 16:20

Toh yoobbe waqdi, Yiisa gaqambo kee qinabak bicsen kamri edde yan saar elle yaarru waa oklo merrah kaah ucuyya heeh, girgirruy gabat beyu waa kaadu ucuyya heeh kaa ruube.

1 Samuwel 25:18

Toh toobbe waqdi, Abiigal namma boolih gaqamboyta kee, namma saaray qinabak bicsen kamrik kibuk yaniiy, illik konooyuy tusguudeh solal alassehiyyaay, alok koona kafaqaay, kafsen qinab-xaylok bool gaqamboyta kee, sublâ-xayloy kafseenihiyyak namma boolih gaqamboyta sissikuk danoonal eerra hayteh,