2 Samuwel 15:26 - NABUWWA KEE MALIKWA

²⁶ Usuk yoo faxe week, isih faxem yok abbaasitu waa kaak; Qahdih-Sandug gacis» kaak iyye.

2 Samuwel 15:26 ပူးပေါင်းရင်းမြစ်များ

2 Samuwel 10:12

Kaadu qagseh kaak iyyeemih, «Agiru tikay digga xic. Ninni mara kee ni Dageltih magaalah nagay yan qeebi abnaama. Ellecabol YALLI isih loowem akkele» iyye.

2 Samuwel 11:27

Rookak gaba kalte waqdi, Dawud, «Yi qari am» 'yaanamih farmo teetih ruube. Sarrak digibih tet abiteeh, lab-baxa kaah xalte. Takkay immay YALLI Dawud abem yinqibeh.

2 Samuwel 19:28

Yi marah inkih, rabak sah taguudem matan. Takkay immay yooy, isih akminnaanim is lih adoobisak sugte. Tahaysa yok raqteemiy yoh ab axcuk koo essera mayyu» iyye.

2 Samuwel 22:20

Yi Goyti yoo wade. Yot abe kacanut naqboytak yoo wade. Kaxxa amaan yoh yeceeh, meqe aracal yoo hee.

1 Malikwa 10:9

YALLAY ku Dagelta kinni fayla taafay. Yalli isi mara xiinisa malikih koo doore waqdi, kot ruffa iyyem yuybulleeh. Toh akah abem, isi ummatta Israayil kulli way kicnaamih taagah, atu qadli kee cakkit ken xiinissa'gidi» inte.

1 Aydaad 21:7

Yalli a loowo tekkem mafaxinna. Tonna-leemiik Israayil mara akah digaale.

2 Aydaad 9:8

YALLAY ku Dagelta kinnihiyya fayla taafay! Kay migaaqal Yalli isi mara xiinisa malikih koo doore waqdi, kot ruffa iyyem yuybulleeh; toh akah abem, isi ummatta Israayil kicnaamih taaga. Tonnah kaadu, daayiman ken fayya hayuuy, atu qadli kee cakkit ken xiinissa'gidi abeemi» inte.

Yasaqya 42:1

YALLI iyyemii, «Aham kaana: Yi naqasuy innih dooreeh, ossokoote. Inni gabat kaa dacrisa. Inni Rooci kaah eceeh an. Baadal inkih tan ummatah, qadaalat usuk baahele; numma-le-meklah meklele.

Yasaqya 62:4

Ahak wadir maaqilen magaala kok m'iyyan; ku rasuk abuuruh raaqe rasu 'yaanam m'iyyan. Ku migaq «Yalli ruffu akak iyya magaala» deqsitele; ku rasih migaq «Meqe rihimih rihimte barra» deqsitele. Macaay intek, YALLI isih baqli bis koh aallele.

Ermiyaas 22:28

«Yahoyaasin yiddigille galqiy num tu edde wee waah, baaxot qideenihiyya yekkeh mayanaa! Kaa kee kay buxah mara num ken elle aaxige waa baaxo seewah ken akah beenim, wohuk tanih matanaa!»

Ermiyaas 32:41

Keenih aba maqaane ruffu yoo heele. A rasuk way akah aarre waan innah, nagay yan daabisiyya keenit abeyyo. Tahamaay, keenih liyoh an xuwaawah abu waama.

Yoosuwa 9:25

Taway nanu edde nanim sin gubak tanih tanikii, siinit ceelinnaanim nek abbaasita» iyyen.

Makaabon 10:15

Israayil mari too waqdi YALLAK iyyemii, «Nanu dambi lem bahneeh; sarrak faxxem nek ab immay, awayih ibak a umaanek nee cat» kaak iyye.

1 Samuwel 3:18

Samuwel Yalli kaak inxicca 'yeemik tu kaak maaqurinnay inkih kaah warse. Too waqdi Qeli iyyeemih, «Usuk YALLAK, kay intit taysem abay» iyye.