2 Samuwel 15:21 - NABUWWA KEE MALIKWA

²¹ Ittay kaal gacseemih, «Gexinnaan ikke ko'lih gexeyyooh, rabtek ko'lih rabeyyoomuh, YALLAY waarahiyyah migaq kee ku manol xiibita» iyye.

2 Samuwel 15:21 ပူးပေါင်းရင်းမြစ်များ

2 Samuwel 15:22

Too waqdi malik kaak iyyemii, «Meqeh hay, wohoysa titta lih gexenno» kaak iyye. Too waqdi Ittay is kee isi mara kee buxâ-mara luk foore.

2 Malikwa 2:2

gital Eliyyas Eliisaqak annah iyye, «Away YALLI ‹Beetal magaala gex› yok iyyeemih sabbatah gexah anik; atu akkel elle sug» kaak iyye. Eliisaq kaal gacsemii, «YALLAY waarahiyyah migaq kee ku manol xiibitah ani'mmay, kok maraaqa» kaak iyye. Tonna-leemik titta lih Beetal magaala gexen.

2 Malikwa 2:4

Tohuk lakal Eliyyas Eliisaqak annah iyye. «YALLI ‹Yeriko fan gex› yok iyyek, atu away akkel elle sug» iyye. Eliisaq kaal gacsemii, «YALLAY waarahiyyah migaq kee ku manol xiibita'mmay, kok maraaqa» kaak iyye. Tonna-leemik titta lih Yeriko fan safren.

2 Malikwa 2:6

Tohuk lakal Eliyyas Eliisaqak iyyemii, «YALLI, ‹Ordon weeqaytu fan gex› yok iyyek, atu away akkel elle sug» kaak iyye. Eliisaqah tu gactek iyyemii, «YALLAY waarahiyyah migaq kee ku manol xiibita'mmay, kok maraaqa» iyye. Tonna-leemik sitta lih bisoh gexen.

2 Malikwa 4:30

Barra kaak intemii, «YALLAY waarahiyyah migaq kee ku manol xiibitah ani'mmay, koo cabeh magexa» inte. Too waqdi oson nammayak sitta lih gexen.

1 Samuwel 20:3

Too waqdi Dawud kaak iyyemii, «Ku abba atu yoo kicintom yaaxigeeh, yok abu waam koh mawarisa. Macaay intek, yoo qidam faxam koh warsek, kaxxam yoh qaadettom kok yaaxigeh. Tonna'mmay ku abba xayi wakti yoo qideleemih, YALLAY waarahiyyah migaaqal xiibita» iyye.

1 Samuwel 25:26

Away naqboytiitik cane gacse kee qide takkeemik koo waassam YALLA. Kol umam bahha haa mari, Nabal innah diggalsimeleemih YALLAY waarahiyyah migaq kee ku manol xiibita.