2 Samuwel 14:32 - NABUWWA KEE MALIKWA

³² Absalaam kaal gacsemii, «Anu ama 'yaanamih farmo koh ruubeeh mamattito. Tohuk gexxaamah, ‹Gira edde ruuba› keenik exce. Malikil gexxa 'teh, anu Gasuruk akke fan akah emeetem, yoh kaak essertam kok faxe. A baaxo amaateemik, wokkel elle aadem yoh aysuk ten» kaak iyye. Yab tokket mayseedinnay bisoh beeh, iyyemii, «Away malikit angoorowem faxak, kaat elle angoorowe'nna yoh bicis. Hoxissem yoo tekkek, usuk raba yol yackumay» iyye.

2 Samuwel 14:32 ပူးပေါင်းရင်းမြစ်များ

2 Samuwel 13:37

Absalaamah tu gactek, Qammihud baxa Talmayi deqsita numuy Gasur deqsitta baaxol malikih yanihiyya fan gexe. Tokkel sidiica sanatih gide suge. Malik Dawuduh tu gactek, mango wakti Amnon arkat suge.

2 Samuwel 14:31

Too waqdi Yowab Absalaamal yemeeteeh kaak iyyemii, «Ku mari buqret gira yok akah ruubem macaay?» kaak iyye.

2 Samuwel 3:3

Nammeyhaak xale baxi kaak migaaqah Kilab deqsitak yen. Too awkih ina kaadu Abiigal deqsitta barrak ten. Ta barra kaak dumal Nabal deqsita numuy Karmel deqsita aracal dabqah yenehiyya abbaxuk yen. Usuk rabe saaku gubnah elle raqte ikkel Dawud tet abite. Sidochaytô-baxi kaak migaaqah Absalaam deqsitak yen. Ta awkih ina kaadu Maqka deqsitta barrak ten. Tet abba Gasur deqsitta baaxoh malikik yeneeh; migaaqah Talmayi kaak axcuk yenen.

Ermiyaas 8:12

Yi mari abeh yan umâ-yabulih wacarriya mara hinnon. Dirigga akah m'iyyan. Wacarriy kinnim yaaxige mara hinnon. Tohih sabbatah qeebil gersi marat tekkem keenit akkele. Keenit abu waa digaalak maraaqan. Tahat yabtam yoo YALLA› 'yaanam keenik inxic» yok iyye.

1 Samuwel 15:13

Samuwel, Saawul elle yani'kke yemeeteeh; Saawul kaa yuble waqdi, «Samuwelow, YALLI barkat kot haay» axcuk salaamatta kaah abek lakal, «YALLI yok ‹Aba› iyyem duuduseh» kaak iyye.

1 Samuwel 20:8

Ku maganah yi taagah tamaham ugdubba haay, yoh culte Yalla-kee-xagana mamakin. Qellat yot tublek, ku abba fan yoo mabenay, isih yoo qiddisit» kaak iyye.