2 Samuwel 13:23 - NABUWWA KEE MALIKWA

²³ Namma sanatak lakal, Absalaam Baqal-Caxor deqsita aracal illik xagor kalam faxe. Baqal-Caxor, Efrayim magaalal xayi aracak ten. Too ayrot malik xaylok, «Num raaqe waay tokkel qibnaytiino siinih abak yol ama» iyye.

2 Samuwel 13:23 ပူးပေါင်းရင်းမြစ်များ

2 Samuwel 13:24

Dawud fan gexeeh kaak iyyemii, «Illik xagor kalam faxak, woo ayro koo kee ku gubal taamitta doolat abbobtik wokke qibnaytiinoh yol amaatetton» kaak iyye.

1 Malikwa 1:19

Sadgatah awurwa kee nagay mulkuqusen rugaage kee mango illi qide. Too sadgatah ku xaylooy, sek Abiyataar kee qaskar abbah yan Yowabah seeceh immay, ku Suleemanah maseecinna.

1 Malikwa 1:25

«Ta saakih ayro sadgatah awurwa kee nagay mulkuqusen rugaage kee mango illi qideeh, too sadgatah ku xayloh inkih seece. Qaskar abbah yan Yowab kee sek Abiyataarah edde seece. Too mari taway too sadgatih makum kee maqubut kaa'lih yaniih, ‹Malik Qadoona ani haay! Malik Qadoona ani haay!› axcuk yanin.

1 Malikwa 1:9

Ayrok teena Qadoona, Qenrogel deqsita buyyih garil yen xaay Docelet deqsitahiyyal illiiy awurwa kee, nagay mulkuqusen rugaage sadgatah qide. Too sadgatah Suleemanak kalih tooboko kee, malik gubal taamita maray Yuudâ-rasuk yemeetehiyyah inkih seece.

2 Malikwa 3:4

Mooyab-rasih malikih yen Malik-Meesaq illi yeyderreh yeneeh; Israayil-malikih-gabbarah illi xaylok kulli sanatal bool alfih gide takkem acayuk yen. Kalah kaadu, bool alfi yakke marwah xagor kaah acayuk yen.

2 Aydaad 26:10

Tonnah kaadu, sinam isinni aroocal allak tamaatem akak yablen fayya le qarwak mangom xise. Ayrô-culmat raqta mango koomaami le baaxo kee booxaaxah tan baaxol mango laa luk yeneeh; leê-raaqisso mangom dage. Buqre kaxxam kicinuk yeneeh; tonna-leemiik taamita marak, «Qaleelah tan baaxol qinab xala coox ubquraay; lee le baaxoy buqre elle bictal daro qida» iyye.

Nacmiya 11:33

Caxor kee Raama kee Gittayim kee

1 Samuwel 25:2

Kaalib deqsita gulubuh yooboke numuy migaaqah Nabal deqsitahiyya yen. Too num gaddalih yan numuk teneeh, wadarak alfi takkem luk yeneeh, sidiica alfi yakke illi luk yen. Dabqi kaak Maqonul sugeeh, Karmel deqsita aracal baaxo luk yen. Kay barra migaaqah Abiigal deqsitak ten. Is qax-maqaane kee bagi-cubbi le barrak ten. Tet baqalah tu gactek, cillaale kee qaduwwi luk yen. Ayrok teena Nabal isi illik xagor kalak suge.

1 Samuwel 25:36

Tohuk wadir Abiigal, Nabal fan tuduureeh; elle tuduure ikkel kaxxa xiglah addat sugeeh, iskirra 'yeh kaxxa farcit suge. Too ayro yab kaa'lih maabinnaay,

1 Samuwel 25:4

Dawud toh yoobbe waqdi, sinam elle dago baaxoy elle sugehiyyak tabna furraynul Karmel deqsita arac fan farmo ruube. Farmoh ruube marak iyyeemih, «Karmelil yan Nabal fan gexaay, naharak yi migaaqal salaamatta kaal qida.

1 Samuwel 25:7

‹Illik xagor koh kala mara ko'lih yanim 'yaanam oobbe. Duma ama'kkel sugne saaku, ku saqih loynitte ne'lih sugteeh, too saaku meqe'nnal ken abbaxuk sugnem koh warisa nek iyye. Tonnah kaadu, Karmelil suggu inneemih midirik tu keenik bayi mahanninom kaah warisa nek iyye› inxica.