2 Samuwel 13:1 - NABUWWA KEE MALIKWA

¹ Toh tekkek wadir waqla gexxe. Dawud baxi Absalaam digibe wayte qax-meqe maqanxá luk yen. A awká migaaqah Tamaari deqsitak ten. Dawuduk gersi baxay Amnon deqsitahiyya Tamaari yikcine.

2 Samuwel 13:1 ပူးပေါင်းရင်းမြစ်များ

2 Samuwel 11:2

Ayrok teena Dawud carra waqlat xiinik ugutta 'yeh, isi qarih amol yewqe. Wokkel booxah yan aracal wonnak annah gexak suge waqdi, barra kaqalah yuble. A barra kaxxam qax muquk ten.

2 Samuwel 13:15

Tet geek lakal uma'nnah tet yinqibe. Duma kacanuh teetih assalluk suge'nna, naqabuh teetih yesselle. «Kat ugutay, buxak yok eweq» teetik iyye.

2 Samuwel 13:2

Kaxxam tet yikcineeh, tet kacanuh lakimah aracal gace. Tamaari bikrit teneeh; tonna-leemik Amnon tet geelem makkalinnaay, tohuu biyak kaal tekke.

2 Samuwel 14:27

Absalaam lab-xayloh sidoc kee say-baxá luk yen. Baxá migaaqah Tamaari deqsitak ten. Is kaxxam qax-muquk ten.

1 Malikwa 11:1

Suleeman gersi baaxoh agabuk mangom yikcine. Masri malikih baxá abiteeh, kalah kaadu Ciitaay Mooyabaay Qammonuy Edom kee Sayda deqsitak yen marih agabul digibe.

1 Aydaad 3:2

Sidochaytô-baxi kaak migaaqah Absalaam deqsitak yen. Ta awkih ina Maqka deqsitta barrak ten. Tet abba Gasur deqsitta baaxoh malikik teneeh; migaaqah Talmayi kaak axcuk yenen. Fereyhaytô-baxi migaaqah Qadoona deqsitak yen. Kay ina, migaaqah Caggit deqsitak ten.

1 Aydaad 3:9

Ta mari inkih Dawud lab-xaylok ten. Wohuk kalah kaadu, caggô-gubih caggoh nikaacat yabbixe agbi lab-xaylo kaah xale. Dawud kaadu Tamaari deqsitta baxá xale.