2 Samuwel 12:5 - NABUWWA KEE MALIKWA

⁵ Naatan tama ceelallo kaah warissa hee waqdi, Dawud a gaddali abem yoobbe waqdi kaxxam bagcarrite. Iyyeemih, «YALLAY waarahiyyah nabnal xiibitaah, tah rabi akah yaguude numuk tanih tan» iyye.

2 Samuwel 12:5 ပူးပေါင်းရင်းမြစ်များ

2 Samuwel 12:4

Ayrok teena qibnayti gaddali buxa yemeete. Taaxige gaddali, yemeete qibnaytuh isi saqak lac qidam cabba heeh, taaxige miskinti-anaqto beyya heeh qibnaytuh yusguude.»

2 Samuwel 14:8

Too waqdi malik teetik iyyeemih, «Atu isi buxah uduuraay; a caagid anu innih bicseyyo» teetik iyye.

1 Samuwel 14:39

«Waara YALLAY Israayil-marah nasri yeceehiyyal xiibitah ani'mmay, yi baxa Yonaatan takke way, a saaku qellat luk sugu waa numul rabi amaatele» iyye. Toh iyye waqdi, num tu kaal magacisinna.

1 Samuwel 20:31

Yiisâ-baxi addunyal yanim fanah, a baaxoh malik matakkam mataaxiga inna? Away gexay akke kaa bah. Rabi kaal yamaatek» iyye.

1 Samuwel 26:16

Edde tan taamak boolatteh! Kee yaalo! Koo kee ku qaskar YALLI doore malik madacrisinniton. Tohuk gexxaamah rabi siinil yamaate. Taway meqehik, wagga hay! Malik macaxi ankel yanih? Kay amô-ginat ten leeh afleyta ankel tani?» iyye.