2 Samuwel 12:22 - NABUWWA KEE MALIKWA

²² Too waqdi keenil gacsemii, «Nummah awki rabe'kah yen saaku maaqok soomuh gaceh weeqeh; woh akah abem, ‹YALLI yoh racmateleeh, awka rabak yoh catam takkeh› 'yaanam bagut ascubuk suge.

2 Samuwel 12:22 ပူးပေါင်းရင်းမြစ်များ

2 Samuwel 12:21

Kay buxal taamat yen mari ah yuble waqdi kaak iyyemii, «Awkal rooci yen saaku kaah weeqakaay, maaqo cinak sugteh; awayay awki rabehiyya ugutta 'teh maaqo akah takmem waagisnehik macaay?» kaak iyyen.

2 Malikwa 20:3

Dooqah iyyemii, «YALLAW, inni bagu kee afqadook ku qibaada kee ku taamat sugem atu yok taaxigeh. Ku garil meqem abittoh yok orobtaamat asak suge» 'yaanam dooqah inxicca 'yeeh, namma intik kaxxa ximo kaak akah caxitte weeqah weeqe.

Yasaqya 38:5

YALLI kaak iyyemii, «Ciskiyyaahu fanah gexay kaak intamaa, YALLAY ku kaxxa abbah yan Dawuduk Dagelta kinnihiyya, ‹Atu abte dooqa kok oobbeeh, namma intik caxxe ximo kok uble. Tohuk gexxaamah taban kee koona sanat qumrik koh osisah an. Ahak sarra taban kee koona sanat sugetto.

Ayyuqel 1:14

«Takkeenimiik inki aracal qibaadah gaabowwa 'xicay sooma» 'yaanam inxica. Yuudah abbobti akak macabinay, Yuudâ marah inkih seecaay; Qibaadâ-Qaril sin Dageltal weeqa.

Ayyuqel 2:14

YALLAY sin Dagelta kinnihiyya siinih loowe digaalak yaduurem takkeh. Orbissan murtit barkat heeh, yaymaggem takkeh. Too saaku kamadi kee qinabak bicsen kamri sadgatah YALLAH aceetton.

Qaamus 5:15

Umam inqibaay, meqem ikcina. Cokmi maroh addal, cokmi qadaalatat akah yakke'nnah aba. Tonnal YALLAY Nabaamak Naba Dagelta kinnihiyya Israayil ummatak baatik saaboh raaqe marah yamqem takkeh. Keenih racmatam takkeh.

Yoonas 1:6

Doonik beya num kaal yemeeteeh, annah kaak iyye, «Away mannal xintaah? Ugutay isi yalla kallac. Ku yalli neh xuwaaweh rooci nek catam takkehik» iyye.